КіруCОТСЫЗ ТАТУЛАСУ ОРТАЛЫҒЫ ЖҰМЫСЫН БАСТАДЫ
ҚР Жоғарғы Соты мен БҚО Қазақстан халқы Ассамблеясының ынтымақтастық туралы Меморандумды жүзеге асыру мақсатында Орал қаласында «Сотқа дейінгі татуласу орталығы» ашылды.
Орталықтың ашылу рәсіміне Батыс Қазақстан облысының әкімі Ғали Исқалиев, БҚО сотының төрағасы Бек Әметов, Батыс Қазақстан облысы Қазақстан халқы Ассамблеясы төрағасының орынбасары, хатшылық меңгерушісі Ғайса Қапақов, медиаторлар, билер Одағы, прокуратура өкілдері, адвокаттар, заңгерлер және сот орындаушылары қатысты.
Салтанатты шараны облыс әкімі Ғали Исқалиев ашып, өңіріміздегі дауларды азайту бағытында атқарылып жатқан жұмыстарға тоқталып, алдағы уақытта орталықтың жұмысына сәттілік тіледі.
Бек Әметов: «Сотқа дейінгі татуласу орталығының мақсаты: дәукестіктің деңгейін төмендету, тұрғындардың құқықтық мәдениетін жоғарылату, дауларды бейбіт келісім арқылы шешу, тараптардың арасында материалдық, моральдық шығындарға жол бермеу» – деп атап өтті.
Орталықта азаматтарға келіссөздер, талап қою рәсімі, медиация, оның ішінде сот медиациясы, татуласу келісімдері сияқты алуан түрлі сотқа дейінгі дауды реттеудің балама рәсімдерін жүргізу тәртібі туралы түсіндірме жұмыстары жүргізіледі. Сонымен қатар бұл жерде өтініш берушілерге билердің, медиаторлар мен психологтардың, адвокаттардың, сот орындаушылардың көмегі көрсетілетін болады.
– Ата-бабаларымыз: «Дау-дамайдың мұраты – бітім» деп тегіннен-тегін айтпаған. Осы секілді кішігірім құқықбұзушылықтар сот мәжілісіне бармай-ақ, орталыққа келіп, өздерінің дауларын реттей алады. Татуласу орталығының арқасында азаматтар өздерінің уақыты мен шығындарын үнемдей алады. Мұның экономикалық жағынан тиімділігі мол. Қос тарап өздерінің дауларын ынтымақпен, бітімгершілікпен шеше алады, – деді Батыс Қазақстан облысы Қазақстан халқы Ассамблеясы төрағасының орынбасары, хатшылық меңгерушісі Ғайса Қапақов.
Соңғы жаңалықтар
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Пікір үстеу