КіруБАҚҰЛ БОЛ, АРДА АЗАМАТ!
Қазанның 9-ы күні ардагер, ел ағасы Зиннат Ғұбашев 82 жастан асқан шағында өмірден өтті.
Зиннат Губашев 1939 жылы мамырдың 1-і күні Батыс Қазақстан облысы Қазталов ауданына қарасты Бозоба ауылында (бұрынғы Коминтерн) дүниеге келген.
1946-1954 жылдары Киров атындағы орта мектепті тәмамдап, комсомол жастар жолдамасымен шопан болып, өз алдына бір отар қой алып, еңбекке араласады. Жас маманның еңбегі жанып, 100 қойдан 123-тен қозы алып, Мәскеу қаласындағы Бүкілодақтық ауылшаруашылық көрмесіне қатысып, арнайы төсбелгімен марапатталады.
1957 жылдан Коммунистік партияның мүшесі. 1961 жылы Жәнібек ауданындағы кәсіптік-техникалық білім мекемесін «Кең профильды «тракторшы-машинист» мамандығы бойынша бітіреді.
1963-1965 жылдары Орал қаласындағы ауылшаруашылық техникумында «Экономист-бухгалтер » мамандығын алып, Тереңкөл совхозында, Мереке ауылында, XXIV партия съезі совхозында қызметін жалғастырады.
1974-1989 жылдары Қазталов аудандық ауылшаруашылық басқармасының ауданаралық ревизоры, Қазталов аудандық шаруашылық есептегі құрылыс участкесінде бас бухгалтер болады.
1989-1995 жылдары Қазталовка селолық Советінің және Қазталов аудандық халық депутаттары Советінің депутаты болып сайланған, аталған жылдары Қазталов селолық советінің төрағасы қызметін атқарды.
Зиннат Губашев советті басқару жылдарында аудан орталығын абаттандыру, көгалдандыру «Үлгілі үй», «Үлгілі көше» байқауларын ұйымдастырып, ауылдың көше атауларын қазақшаландыру және ағайындық-көршілік қасиеттерді насихаттайтын қайырымдылық шараларының бастамашысы болады.
1995-1998 жылдары Қазталов, Фурманов, Жәнібек, Жаңақала, Бөкей Ордасы ауданаралық көлік инспекциясының аға инспекторы болып істейді.
1998-2000 жылдары «Қазпочта» мекемесінің Қазталовка аудандық почта бөлімін басқарады. Үнемі азаматтық айқын ұстанымын танытып өтті, қажырлы еңбегімен ауданның өсіп өркендеуіне атсалысып, халықтың сый құрметіне бөленді. Жұбайы Жаңылсын Сапарқызымен бірге 55 жыл отасып, 6 ұл, 5 қыз тәрбиелеп өсірді. Немере-шөберелерінің аяулы атасы.
«Жайық үні-Жизнь города» газетінің редакция ұжымы әріптесіміз, «Ақжайық» телеарнасының директоры Асланбек Зиннатұлы мен Арсен Зиннатұлына, Орал қалалық мәслихатының депутаты, М.Ықсанов атындағы №36 орта мектеп директоры Азима Зиннатқызына бүгін қара жерге жамбасы тиген ардақты әкелерінің қазасына ортақтасып, қайғырып көңіл айтамыз. Жатқан жері жарық, топырағы мамық болғай!
Соңғы жаңалықтар
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу