КіруБҚУ-да жаңа Спорт сарайы ашылды
Махамбет Өтемісов атындағы Батыс Қазақстан университеті жанындағы дене шынықтыру-сауықтыру кешені аумағында жаңа «БҚУ Спорт сарайы» салтанатты түрде ашылды.
Университет инфрақұрылымын стратегиялық жаңғырту аясында жүзеге асқан жоба – оқу ордасының материалдық-техникалық базасын нығайтуға бағытталған маңызды қадам.
Жалпы ауданы 1386 шаршы метрді құрайтын екі қабатты нысан университеттің өз қаражаты есебінен салынды. Заманауи талаптарға сай жабдықталған спорт сарайы білім беру процесін қамтамасыз етуге, студенттердің практикалық даярлығын арттыруға және студенттік спортты дамытуға арналған.
Салтанатты ашылу рәсіміне облыс әкімінің орынбасары Қайыржан Меңдіғалиев, қала әкімінің орынбасары Арсен Губашев, Батыс Қазақстан облыстық мәслихатының төрағасы Мұрат Мұқаев пен М.Өтемісов атындағы БҚУ ректоры Нұрлан Серғалиев қатысып, университет ұжымына табыс тіледі.
Облыс әкімінің орынбасары Қайыржан Меңдіғалиев құттықтау сөзінде: – Бүгін баршаңызды Махамбет Өтемісов атындағы Батыс Қазақстан университетінің спортсарайы ғимаратының салтанатты ашылуымен шын жүректен құттықтаймын! Жаңа «Спортсарайының» ашылуы – болашаққа жасалған сенімді қадам. Өйткені кез келген мемлекеттің қуаты – білімді, дені сау, рухы мықты жастардың қолында. Спорт адамды тәртіпке, жауапкершілікке, ортақ мақсат жолында бірігуге үйретеді. Ал бұл қасиеттер ел дамуы үшін аса қажет, – деп атап өтті.
Жаңа «БҚУ Спорт сарайы» – академиялық ортаға ықпалдастырылған заманауи оқу-жаттығу кеңістігі. Нысанның функционалдық мүмкіндіктері дене шынықтыру пәндері бойынша сабақ өткізуге, практикалық даярлық ұйымдастыруға, спорт секцияларының тұрақты жаттығу процесін қамтамасыз етуге, сондай-ақ спорттық-бұқаралық іс-шаралар мен жарыстар өткізуге мүмкіндік береді.
Бірінші қабатта ауыр атлетикаға арналған арнайы жабдықтармен қамтылған көпфункционалды спорт залы, жалпы дене дайындығы мен гимнастикалық аймақтар орналасқан. Студенттер үшін киім ауыстыру бөлмелері, душ және санитарлық тораптар, жеке шкафтар қарастырылған.
Екінші қабатта күрес залы, бокс рингі, гимнастика залы және жалпы дене дайындығына арналған қосымша аймақ бар. Сондай-ақ оқытушылар құрамына арналған киім ауыстыру бөлмелері мен қызметтік кабинеттер жабдықталған.
«Жайық үні»
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
