Кіру28 Маусым 2021 2128 0
ҚоғамБҚО ӘКІМІ ӨҢІРДЕГІ АҚПАРАТ САЛАСЫ ҚЫЗМЕТКЕРЛЕРІН КӘСІБИ МЕРЕКЕЛЕРІМЕН ҚҰТТЫҚТАДЫ
Бүгін, 28 маусым күні БҚО әкімі Ғали Есқалиев өңірдегі бұқаралық ақпарат құралдары қызметкерлерін кәсіби мерекелерімен құттықтады. Салтанатты жиында бірқатар ақпарат құралдарының қызметкерлеріне ҚР ақпарат және қоғамдық даму министрінің марапаттары табысталып, Қазақстан Республикасы Тәуелсіздігінің 30 жылдығы аясында бұқаралық ақпарат құралдары қызметкерлері күніне орай ұйымдастырылған облыстық байқау жеңімпаздары марапатталды.
– Тәулік бойы тыным таппай еңбек ететін ақпарат майданының сарбаздарының қоғамдағы алар орны ерекше. Қалам тербеген журналистер қауымы демократиялық құндылықтардың, қоғамда орын алған мәселелердің ашықтығын қамтамасыз етіп, өркениет көшінің ілгері дамуына, елдегі мәселелерін шешуге өз үлестерін қосып келеді. Өңір журналистикасының дамуына алдыңғы буын ардагерлердің қосқан үлесі зор. Батыс Қазақстан облысының ардагер журналистері салған сара жолды бүгінде кейінгі толқын абыроймен жалғастырып келеді. «Қай елдің баспасөзі мықты болса, сол елдің болашағы зор» деген алаш ардақтысы Міржақып Дулатов. Осы сөзінен ғана журналистердің мамандығын біліп, тануға болады. Облысымыздағы жағымды іс жаңалықтарды бұқаралық ақпарат құралдары арқылы жеткізудегі журналистердің еңбегі зор. Проблемалық мақалаларды ашық көрсетіп, жергілікті атқарушы органдар мен халық арасында алтын көпір болып келеді. Сіздердің жазған әрбір мақалаларыңызда, дайындаған сюжеттеріңізде елдің мұңы мен мұқтажы, ой-пікірі, талап-тілегі, қоғам дамуының тынысы айқын көрініс тауып отыр. Қашанда іргелі істің басында жүретін журналистер әлем дамуына кері әсер еткен дағдарыс тұсында алдыңғы шептен табылды. Бүкіл әлемнің тынысын тарылтқан пандемия кезінде де тұрғындарға дәйекті ақпарат жеткізіп, адамзаттың амандығына қауіп төндіріп тұрған кеселді жеңуге қосып жүрген үлестеріңіз үшін ризашылығымды білдіремін. Журналист болу үшін кәсіби біліктілікпен қоса, батылдық пен табандылық та керек. Жылдам әрі айшықты ақпараттарымен жаңалықтың жаршысы болып жүрген бұқаралық ақпарат қызметкерлерін төл мерекемен құттықтаймын. Қаламдарыңыз мұқалмай, еңбекте табысты, отбасында бақытты болыңыздар. Кәсіптеріңізге өрлеу, шығармашылықтарыңызға сәттілік тілеймін, – деді Ғали Нәжімеденұлы.
Салтанатты шарада ақпарат саласының дамуына елеулі үлес қосқаны үшін ҚР ақпарат және қоғамдық даму министрінің бұйрығына сәйкес бірқатар облыстық және республикалық ақпарат құралдарының өкілдері марапаттар берілді. Атап айтқанда, «Ақпарат саласының үздігі» төсбелгісімен «Жайық Пресс» медиахолдингі басшысының орынбасары Ғайсағали Сейтақ, «Aqjaiyq» телеарнасы басшысының орынбасары Клара Қамбетова, «Хабар 24» телеарнасының БҚО бойынша меншікті тілшісі Ботагөз Базарбаева, «Aqjaiyq» телеарнасының аға операторы Рүстем Ищанов, «Приуралье» газеті бас редакторының орынбасары Лучия Курарару марапатталды. Ақпарат саласында ұзақ жылдар өлшеусіз еңбек еткен облыстық «Орал өңірі» газетінің арнаулы тілшісі Есенжол Қыстаубаев пен журналистика ардагері Людмила Коринаға «Еңбек ардагері» медалі, бірқатар сала қызметкеріне ҚР ақпарат және даму министрінің Құрмет грамотасы ұсынылды.
Сондай-ақ Қазақстан Республикасы Тәуелсіздігінің 30 жылдығы аясында бұқаралық ақпарат құралдары қызметкерлері күніне орай ұйымдастырылған «Тәуелсіздік жаршысы» облыстық байқауында арнайы комиссияның шешімімен жеңімпаз атанғандар облыс әкімінің дипломдары және арнайы сыйлықтарымен марапатталды. «Өңірлердің дамуы – елдің дамуы» аталымы бойынша «Хабар 24» телеарнасының БҚО бойынша меншікті тілшісі Роза Сатқанова, «ТДК-42» телеарнасының журналисі Марина Горбук, «Хабар 24» телеарнасының БҚО бойынша меншікті тілшісі Талғат Жұбанышев, «Даму діңгегі» аталымы бойынша «Жайық үні-Жизнь города» газетінің тілшісі Эльмира Нұғманова, «Тәуелсіздік жетістіктері» номинациясында «Aqjaiyq» арнасының тележүргізушісі Оксана Игілікова марапатталды. Сондай-ақ «Ауыл – ел бесігі», «Біргеміз, тұтас іргеміз», «Халық және билік», «Біздің батырларымыз», «Интернет иірімі» аталымдары бойынша жеңімпаздар анықталып, марапаттары табыс етілді.
Сонымен қатар БАҚ пен мемлекеттік органдар арасындағы қарым-қатынасты нығайту жолындағы қызметі үшін 5517 әскери бөлімінің баспасөз қызметкері Ерболат Сұлтановқа, БҚО санитариялық-эпидемиологиялық қадағалау департаментінің баспасөз хатшысы Әдемі Хасановаға, БҚО білім басқармасының баспасөз хатшысы Үміт Жәңгіроваға алғыс хат берілді.
zhaikuni.kz
Соңғы жаңалықтар
Без рубрики
Мемлекеттік қызметтер: жүйелі мәселелерді шешу және сапаны арттыру
17 Қыркүйек 2026
41 0
Жаңалықтар
Еліміздің батысында көпсатылы командалық-штабтық оқу-жаттығу басталды
17 Қыркүйек 2026
58 0
Жасанды интеллект
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
16 Қыркүйек 2026
80 0
Заң және тәртіп
Спорт саласында сыбайлас жемқорлық тәуекелдерінің алдын алу мәселелері талқыланды
16 Қыркүйек 2026
85 0
Өңір жаңалықтары
Оралда Қорғаныс министрлігінің патриоттық акциясына 2 мыңға жуық адам қатысты
16 Қыркүйек 2026
93 0
Без рубрики
79,3% казахстанцев характеризуют обстановку в стране как благополучную или стабильную
14 Қыркүйек 2026
141 0
Без рубрики
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
14 Қыркүйек 2026
246 0
Без рубрики
Денсаулық сақтау саласындағы сыбайлас жемқорлық тәуекелдерінің алдын алу
14 Қыркүйек 2026
246 0
Без рубрики
Сыбайлас жемқорлық тәуекелдерін ішкі талдау мәселелері талқыланды
14 Қыркүйек 2026
214 0
Өңір жаңалықтары
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
13 Қыркүйек 2026
259 0
Өңір жаңалықтары
Оралда алғаш рет «JAIYQ SAZY» халықаралық этнофестивалі өтті
13 Қыркүйек 2026
196 0
Өңір жаңалықтары
Оралда қала күніне орай І халықаралық «JAIYQ SAZY» этнофестивалі өтті
13 Қыркүйек 2026
289 0
Без рубрики
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
12 Қыркүйек 2026
333 0
Toqaev2026
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
11 Қыркүйек 2026
322 0
Национальный ядерный центр Республики Казахстан
Строительство АЭС создаст новые возможности для специалистов и бизнеса в Казахстане – эксперт
11 Қыркүйек 2026
322 0
Без рубрики
Не только физики-ядерщики: студентам рассказали, кому найдется работа на будущих АЭС Казахстана
10 Қыркүйек 2026
302 0
Спорт
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
10 Қыркүйек 2026
279 0
Пікір үстеу