КіруБҚО ЭКОНОМИКАСЫНА 235 МЛРД ТЕҢГЕ ИНВЕСТИЦИЯ ТАРТЫЛДЫ
Батыс Қазақстан облысында инвестициялық белсенділік артып келеді. Өңірге тартылған қаржы көлемі ұлғайып, бірқатар әлеуметтік-экономикалық көрсеткіштер бойынша оң динамика байқалуда.
Бұл мәселелер облыс әкімі Нариман Төреғалиевтің төрағалығымен өткен инвестиция тарту және өңірдің биылғы бес айдағы әлеуметтік-экономикалық даму қорытындыларына арналған кеңейтілген кеңесте талқыланды.
Жиынға облыстық басқарма басшылары, Орал қаласы мен аудан әкімдері қатысып, әр саладағы жұмыс нәтижелері сараланды. Кеңесте өңірдің экономикалық өсіміне әсер ететін негізгі көрсеткіштер мен инвестициялық жобалардың жүзеге асырылу барысы жан-жақты қаралды.
Облыстық стратегия және экономикалық даму басқармасының басшысы Бибігүл Қонысбаеваның айтуынша, есепті кезеңде негізгі капиталға салынған инвестиция көлемі артып, құрылыс, тұрғын үй және ауыл шаруашылығы салаларында тұрақты өсім қалыптасқан. Сонымен қатар кейбір бағыттар бойынша көрсеткіштердің төмендеу себептері талданып, оларды жақсартудың нақты жолдары ұсынылды.
Әлеуметтік-экономикалық дамудың негізгі алты индикаторы бойынша жоспарлы межелерге толық қол жеткізген Сырым ауданы өңірде үздік нәтиже көрсетіп отыр. Бұл ауданның экономикалық әлеуетті тиімді пайдаланып, белгіленген міндеттерді жүйелі орындағанын көрсетеді.
Кеңесте облыстық кәсіпкерлік және индустриялық-инновациялық даму басқармасының басшысы Нұржан Өтепбаев өңірге тартылған инвестициялар жөнінде баяндама жасады. Оның мәліметінше, 2026 жылдың алғашқы бес айында облыс экономикасына 235 миллиард теңге инвестиция тартылып, өткен жылдың сәйкес кезеңімен салыстырғанда 14,9 пайыздық өсім тіркелген. Тартылған қаражаттың 94,3 пайызы жеке инвестициялар есебінен қалыптасқан.
Инвестициялардың басым бөлігі құрылыс, көлік-логистика және өңдеу өнеркәсібі салаларына бағытталған. Бұл салалардағы жоғары белсенділік өңір экономикасының тұрақты дамуына серпін беріп отыр. Биыл облысқа жалпы көлемі 1 триллион теңгеден астам инвестиция тарту жоспарланған.
Өңір басшысы инвестициялық жобаларды жүзеге асырудағы әр кезеңнің маңыздылығына тоқталып, жоспарланған жұмыстардың уақытылы орындалуы жыл соңындағы көрсеткіштердің орындалуына тікелей әсер ететінін атап өтті. Осыған байланысты инвестициялық штаб тапсырмаларын орындау қарқыны төмен құрылымдар мен аудан әкімдеріне бақылауды күшейтіп, жұмысты жандандыру міндеті жүктелді.
Кеңес барысында облыстық басқарма басшылары өз салалары бойынша кемінде 2 миллиард теңге көлемінде инвестиция тарту жөніндегі тапсырманың орындалу барысы туралы есеп берді. Әрбір жоба бойынша туындаған мәселелер қаралып, оларды шешу жолдары талқыланды.
Жиынды қорытындылаған облыс әкімі Мемлекет басшысының өңдеу өнеркәсібін дамыту жөніндегі тапсырмасына ерекше назар аударды. Оның айтуынша, өңір экономикасының бәсекеге қабілеттілігін арттыру үшін өндірістік жобаларға басымдық беріп, жаңа инвесторларды тарту бағытындағы жұмысты күшейту қажет.
Версия для печатиСоңғы жаңалықтар
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
«ДАУЫС» коалициясы Құрылтай сайлауындағы қоғамдық байқаудың алдын ала қорытындысын жариялады
Наблюдатели в ЗКО зафиксировали высокую явку и отсутствие нарушений
Орал төріндегі тарихи таспа: «Қосшығұлов: шоколад фабрикасы» актерлері Құрылтайда дауыс берді
Оралдағы №502 сайлау учаскесінде балаларға арналған аквагрим ұйымдастырылды
Спорт алаңынан сайлау учаскесіне: танымал қазақстандықтар дауыс беруге қатысты
ЧЕМПИОНДАР ТАҢДАУЫ: СПОРТ САҢЛАҚТАРЫ ЕЛДІК НАУҚАННАН ҚАЛЫС ҚАЛМАДЫ
Мемлекет басшысы Қазақстан Республикасының Құрылтай депутаттары сайлауында дауыс берді
Тұсаукесер, ретро және кино кейіпкерлері: Құрылтайға алғашқы сайлау күнін қазақстандықтар мерекелік көңіл-күйге ұластырып жатыр
Мүгедектігі бар азаматтардың дауыс беруіне қолайлы жағдай жасалған – Сердар Мутта
