КіруБҚО-да ветеринариялық және фитосанитариялық бақылау бекеттері жаңғыртылуда
Батыс Қазақстан облысында ветеринариялық және фитосанитариялық бақылау бекеттерін жаңғырту жұмыстары жүргізіліп жатыр. Бұл бағыттағы шаралар шекара арқылы өтетін жүк тасымалын жүйелеуге, тексеріс жұмыстарын оңтайландыруға және азық-түлік өнімдерінің қауіпсіздігін қамтамасыз етуге бағытталған.
Облыс әкімінің орынбасары Қалияр Айтмұхамбетов Ресей Федерациясымен шекаралас аумақта орналасқан «Сырым» және «Шаған» ветеринариялық-фитосанитариялық бақылау нысандарына барып, жүргізіліп жатқан жұмыстардың барысымен танысты. Сапар барысында бекеттердің қазіргі жағдайы, техникалық мүмкіндіктері және тасымалдаушыларға қолайлы жағдай жасау мәселелері қаралды.
Жаңғырту жұмыстарының негізгі мақсаты – бақылау рәсімдерін жеңілдетіп, шекарадан өтетін өнімдердің сапасы мен қауіпсіздігін қатаң бақылауда ұстау. Сонымен қатар бекеттердің заманауи талаптарға сай болуы, жүк тасымалы кезінде кідірістерді азайту және қызмет көрсету сапасын арттыру маңызды міндеттердің бірі ретінде белгіленген.
Облыс әкімінің орынбасары Қалияр Айтмұхамбетов жауапты мекемелерге құрылыс және жаңарту жұмыстарын белгіленген мерзімде, сапалы аяқтауды тапсырды. Бұл шекаралық бақылау нысандары тек тексеріс орны ғана емес, өңірдің азық-түлік қауіпсіздігі мен санитариялық тұрақтылығын қамтамасыз ететін маңызды инфрақұрылым болып саналады.
Жыл басынан бері аталған бекеттерде мемлекеттік ветеринариялық-санитариялық инспекторлар 7 938 автокөлікті тексерген. Жалпы салмағы 123 321 тонна болатын түрлі жүктің құжаттары мен сапасы бақылаудан өтті. Бұдан бөлек, карантинге жатқызылған өнімдер тиелген 25 103 автокөлік пен 451 теміржол вагоны қаралды.
Тексеру нәтижесінде 60 заң бұзушылық анықталған. Талапты бұзған 19 тұлғаға әкімшілік айыппұл салынды. Сонымен қатар белгіленген талаптарға сәйкес келмеген 60 автокөлікке кері қайтару актілері рәсімделіп, жүктер экспорттаушы елдерге қайтарылды.
Мұндай бақылау шаралары өңірге сапасыз және қауіпті өнімдердің өтуіне жол бермеуге, сондай-ақ ветеринариялық және фитосанитариялық қауіпсіздікті күшейтуге мүмкіндік береді. Жаңғыртылған бекеттер алдағы уақытта шекарадағы тексеріс жұмыстарын тиімді ұйымдастырып, тасымалдаушылар үшін де қолайлы жағдай қалыптастырмақ.
Ә.Бақытжанқызы
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
