КіруБҚО-да мал ұрлығымен айналысқан күдіктілер ұсталды
Батыс Қазақстан облысында мал ұрлығымен айналысқан қылмыстық топтың жолы кесілді. БҚО Полиция департаментінің Криминалдық полиция басқармасы Бөкейорда және Тасқала аудандарының полиция бөлімдерімен бірлесіп жүргізген жедел-іздестіру шаралары нәтижесінде төрт күдікті қолға түсті.
Тергеу барысында анықталғандай, 2024 жылдың қараша айынан 2025 жылдың маусымына дейін аталған тұлғалар Бөкейорда ауданы аумағындағы еркін жайылымда жүрген ірі қара малдарын жүйелі түрде ұрлап келген. Жалпы 49 бас ірі қара ұрланған. Мал иелеріне келтірілген шығын көлемі шамамен 20 миллион теңгені құрайды.
Аталған факті бойынша ҚР Қылмыстық кодексінің тиісті бабы бойынша қылмыстық іс қозғалды. Қазіргі уақытта күдіктілердің екеуі уақытша ұстау изоляторына қамалды. Сонымен қатар, олардың бұған дейін жасалған тағы үш мал ұрлығы қылмысына қатысы бар екені дәлелденді.
Полиция қызметкерлері қазіргі таңда күдіктілердің өзге де осыған ұқсас құқық бұзушылықтарға қатысы бар-жоғын анықтау мақсатында тергеу амалдарын жалғастыруда.
Ішкі істер органдары тұрғындарды малдарын қараусыз қалдырмауға, жайылым кезінде сақтық шараларын күшейтуге және күдік туғызатын жағдайлар бойынша дереу құқық қорғау органдарына хабарлауға шақырады.
БҚО Полиция департаментінің баспасөз қызметі.
Версия для печатиСоңғы жаңалықтар
2026 жылдың І тоқсанының қорытындысы: Ақпараттық шабуылдар жаңа технологиялық деңгейге шықты
Қазақстан мен Өзбекстан президенттері Бұхараның тарихи орындарын аралап көрді
Шавкат Мирзиёев Қасым-Жомарт Тоқаевқа бірқатар тарихи құжатты тапсырды
БҚО-да «Таза Қазақстан» акциясы аясында бір күнде 423 жерде 760 тонна қоқыс жиналды
🇰🇿🇺🇿Мемлекет басшысы Қасым-Жомарт Тоқаев Өзбекстанға жұмыс сапарымен барды
В ЗКО собрали 760 тонн мусора на 423 локациях за один день в рамках акции «Таза Қазақстан»
Президент: «Адамзаттың барлық жетістігі – ғалымдардың зияткерлік еңбегінің жемісі»
Қазақстанда «Таза Қазақстан» республикалық акциясы аясында @TazaQazBot Telegram чат-боты өз жұмысын жалғастыруда
