8 (7112) 50-86-31, 8-777-419-90-79
Қ.Жұмағалиев (Фрунзе) көшесі, 20/1 zhaik_yni@mail.ru

Редакцияның байланыс телефондары:  Конкурс, хабарландыру орналастыру бойынша  8 777 419 90 79 whatsApp

Мақала жариялау, өтетін шара бойынша 8 777 872 54 00, 8 747 985 0153

Бухгалтерияға   қатысты сұрақтар бойынша 8 707 564 0763, 8 777 564 0763.

 

8 (7112) 50-86-31, 8-777-419-90-79
Қ.Жұмағалиев (Фрунзе) көшесі, 20/1 zhaik_yni@mail.ru
10 Маусым 2021 726 0
Қоғам

БҚО-ДА БИЫЛ ДИПЛОММЕН АУЫЛҒА БАРҒАН 79 МАМАН ҮЙЛІ БОЛДЫ

«Дипломмен – ауылға» бағдарла­масының  жүзеге асқанына он жылдан аса уақыт өтті.  Осы жылдар ішінде аталмыш мемлекеттік бағдарлама жастарды жұмыспен және баспанамен қамтып  қоймай, ауылдық жерлердің экономикалық әлеуетін арттырып, маман тапшылығы мәселесін де шешуге себеп болуда. Бағдарламаның игілігін көргендердің басым бөлігі – педагогтар.

Бұл бағдарлама негізінен денсаулық сақтау, білім беру, әлеуметтік қамсыз­дан­дыру, мәдениет, спорт және агроөнеркәсіптік кешен сияқты салалар бойынша жастарды жұмыспен қамтамасыз етуге бағытталған.  2009  жылдан бері аймақта барлығы  әлеуметтік сала мен агроөнеркәсіптік кешеннің 3797 маманы 11518,4  млн. теңге бюджеттік несие алыпты.  Талдауларға сүйенер болсақ, олардың дені мұғалім мамандығын меңгергендер. Облыстық экономика және бюджетті жоспарлау басқармасының бөлім басшысы Райса Еркеғалиева жоба талаптары жыл сайын жаңартылып, жас­тарға қолайлы жағдай жасалып отырғанын айтады. Мәселен, 2021 жылы 396 маманға бюджеттік несие беру үшін республикалық бюджеттен 1733,0 млн. теңге қарастырылса, биылғы жылдың 1 мамырына дейін ауылға келген 79 маман мемлекеттік бағдарлама қатысушысы атанған. Сонымен қатар аудандардың мәліметтері бойынша жергілікті бюджеттен ауылға келген 694 маманға әлеуметтік қолдау көрсетуге 618,2 млн. теңге қаражат бөлінді, оның ішінде көтерме жәрдемақыға – 202, 8 млн.теңге.

– «Дипломмен  ауылға» мемлекеттік бағдарламасы 2009 жылдың бірінші қаңтарынан бері жүзеге асырылып келеді. Жоба шеңберінде ұсынылатын мемлекеттік  қолдау шаралары бір жолғы көтермеақы мен  тұрғын үй алу немесе салып алу үшін берілетін бюджеттік кредит болып табылады. Облыста баспана сатып алу үшін несиеге мұқтаж мамандар саны жыл сайын артып келеді. Мәселен, 2010 жылдан бастап берілген несиелер саны 3,8 есеге өсті. Бағдарлама шеңберінде берілетін жобалардың мөлшерлері Қазақстан Республикасы Үкіметінің 2009 жылғы 18 ақпандағы №183 қаулысымен айқындалды. 100 АЕК мөлшерінде бір реттік көтеру жәрдемақысы – 2021 жылы 291 700 теңгені құрап отыр. Сонымен қатар  тұрғын үйді сатып алу немесе салу үшін 15 жылға дейінгі жылдық мөлшерлемесі 0,01 пайызбен 1500 АЕК (2021 жылы 4  375 500 теңге) мөлшерінде несие беріледі.  Жүзеге асырылатын әлеуметтік қолдау мемлекеттік қызмет болып табылады және оны аудандардың жергілікті атқарушы органдарының ауылдық аумақтарын дамыту саласындағы уәкілетті органдары ұсынады. Мемлекеттік қызмет «Ауылдық елдімекендерде жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен мамандарына әлеуметтік қолдау шараларын ұсыну» стандартына сәйкес көрсетіледі, – деді Райса Еркеғалиева.

ҚР Ұлттық экономика министрінің 2020 жылғы 27 мамырдағы №43 бұйрығымен  бағдарлама қағидаларына бірқатар өзгерістер енгізіліпті. Атап айтқанда, мемлекеттік қызметтерді көрсету мерзімдерін оңтайландыру және электронды форматты енгізу мақсатында тұрақты комиссия алынып тасталған. Оған қоса өтінішті, құжаттарды тапрсыру  мен  мемлекеттік қызметтерді көрсету нәтижелеріне қол жеткізу шарасы «Азаматтарға арналған үкімет» мемлекеттік корпорациясы» коммерциялық емес акционерлік қоғамының филиалы арқылы немесе «электрондық үкіметтің» веб-порталы арқылы электрондық форматта жүзеге асырылады және ақпараттық жүйелерден алуға болатын электрондық анықтамалар жинау міндетті емес. Әлеуметтік қолдау шараларына ие болу үшін  бұрын берілген  несиелер атап айтқанда, соңғы 2 жыл ішіндегі кредиттердегі қарыздарының болмауы ескеріледі. Тұрғын үйді жақындарынан немесе туыстарынан сатып алуға болмайды. Оған қоса мемлекеттік қызметтерді көрсету мерзімдері қысқартылған. Көтермеақы  27 жұмыс күнінен 6 жұмыс күніне дейін төленеді. Бұрын үй сатып алуға  47 жұмыс күні аралығында несие берілсе, енгізілген өзгерістерге орай, он жұмыс күні ішінде есепшотқа қаражат түседі.

Сондай-ақ ҚР Ұлттық экономика министрінің 2020 жылғы 30 қыркүйектегі №72 бұйрығымен «Дипломмен – ауылға» жобасына  ауыл, кент, ауылдық округ әкімдері аппараттарының мемлекеттік қызметшілері қосылған.

Айнара ИСА,

zhaikuni.kz

Версия для печати

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Соңғы жаңалықтар
Қалалықтар қаперіне
БҚО ӘКІМІНІҢ ОРЫНБАСАРЫ ТАҒАЙЫНДАЛДЫ
23 Шілде 2021
482 0
Қалалықтар қаперіне
ВАКЦИНА АЛҒАН БЕЛСЕНДІЛЕРГЕ ЖЕҢІЛДІК БАР
23 Шілде 2021
530 0
Қоғам
ШАРУАЛАР ЖАЙЫНА АЛАҢДАДЫ
19 Шілде 2021
501 0
Қоғам
ҚОЛӨНЕРШІЛЕРГЕ ҚОЛДАУ БАР
16 Шілде 2021
754 0
Дені сау ұлт
БҚО ТҰРҒЫНДАРЫНЫҢ 41 ПАЙЫЗЫ ЕКПЕ АЛДЫ
16 Шілде 2021
745 0
Қалалықтар қаперіне
ОРАЛДАҒЫ ОРЫС МЕКТЕПТЕРІ ҚАЗАҚ СЫНЫПТАРЫН АШУДА
16 Шілде 2021
816 0
«Мемлекеттік бағдарламалар»

Қазақстан Республикасының үдемелі индустриялық-инновациялық дамуының 2010-2014 жылдарға арналған МЕМЛЕКЕТТІК БАҒДАРЛАМАСЫ

Қазақстан Республикасының денсаулық сақтау саласын дамытудың 2011 – 2015 жылдарға арналған «Саламатты Қазақстан» мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасының үдемелі индустриялық-инновациялық дамуының 2010-2014 жылдарға арналған МЕМЛЕКЕТТІК БАҒДАРЛАМАСЫ

Қазақстан Республикасының денсаулық сақтау саласын дамытудың2011 – 2015 жылдарға арналған «Саламатты Қазақстан»
мемлекеттік бағдарламасы

«Ғаламтор ресурстары»