КіруБҚО-да 83 мыңнан астам асыл тұқымды қой бағылады
Батыс Қазақстан облысында асыл тұқымды қой саны 83 мыңнан асты. Оның 90 пайызға жуығы еділбай тұқымына жатады. Бұл туралы «AUYL INVEST FEST. Қой шаруашылығы» халықаралық фестивалі аясында өткен форумда айтылды.
Облыс әкімдігінің қолдауымен «Ауыл» партиясы ұйымдастырған дәстүрлі іс-шара биыл екінші рет өтіп отыр. Форумға облыс әкімі Нариман Төреғалиев, Ауыл шаруашылығы вице-министрі Таласбек Қанафин, «Ауыл» партиясының төрағасы, Мәжіліс депутаты Серік Егізбаев, сондай-ақ Қазақстан, АҚШ, Қытай, Ресей, Татарстан және өзге де елдердің агросектор өкілдері, ғалымдар мен кәсіпкерлер қатысты.
Жиында қой шаруашылығының қазіргі жағдайы, асыл тұқымды мал санын көбейту, ет экспортының әлеуеті, жүн мен теріні терең өңдеу, сондай-ақ салаға заманауи технологияларды енгізу мәселелері талқыланды.
Облыс әкімі Нариман Төреғалиевтің айтуынша, еділбай қойының отаны саналатын Ақжайық өңірінде бұл саланың келешегін талқылаудың маңызы зор.
– Мемлекет басшысы Ауыл еңбеккерлерінің форумында мал басын еселеу және еліміздің халықаралық нарыққа ет экспорттаушы ірі держава ретінде мәртебесін бекіту туралы нақты міндеттер қойған еді. 2024-2025 жылдары облыс өз қажеттілігін қамтып қана қоймай, Әзірбайжан, Өзбекстан және Иран елдеріне 400 тонна қой еті, 4,2 мың бас тірілей қой экспорттады. Еліміздің өзге өңірлеріне 268 мың бас қой сатылды. Сан да, сапа да маңызды. Аймақта асыл тұқымды қой саны 83 мың бастан асты. Шаруаларды мемлекеттік қолдау шаралары жүйелі жалғасады, – деді Нариман Төреғалиев.
Форум барысында саладағы инвестициялық жобалар таныстырылып, қой шаруашылығын цифрландыру, өнім сапасын арттыру және мал тұқымын асылдандыру бағытындағы ұсыныстар қаралды. Шетелдік және отандық мамандар өз тәжірибелерімен бөлісіп, аграрлық саланың дамуына серпін беретін бастамаларды ортаға салды.
Фестиваль аясында қолөнер бұйымдарының көрмесі, ұлттық ойындар мен мәдени шаралар ұйымдастырылды. Шара соңында қатысушылар қой шаруашылығы өңір экономикасының маңызды бағыты екенін атап өтіп, бұл саланы дамыту ауылдағы кәсіпкерлікті жандандырып, экспорттық әлеуетті арттыруға мүмкіндік беретінін жеткізді.
Айта кетейік, биыл мемлекеттік кешенді жоспар аясында асыл тұқымды қой сатып алуды 6 пайыздық мөлшерлемемен қаржыландыруға арналған «Береке», «Игілік» және «Жайлау» бағдарламалары іске қосылды.
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
