КіруҚазақстан тарихының көптөмдығы дайындалуда
Қазақстан Республикасының Мемлекеттік кеңесшісі Ерлан Қарин Алматы қаласындағы Ә.Марғұлан атындағы Археология институтында «Қазақстан тарихы: ежелгі дәуірден бүгінге дейін» атты жаңа академиялық басылымды әзірлеп жатқан жетекші ғалымдармен кездесті.
Мемлекет басшысы 2021 жылғы қаңтарда жарық көрген «Тәуелсіздік бәрінен қымбат» атты мақаласында заманауи ғылыми тәсілдерді қолдана отырып, Қазақстан тарихының көптомдығын дайындау туралы бастама көтерген болатын.
Ғылым және жоғары білім вице-министрі Дархан Ахмед-Заки, сондай-ақ томдардың редакциялық алқаларының жетекшілері мен мүшелері — Ә.Марғұлан атындағы Археология институтының бас директоры Ақан Оңғар, Ш. Уәлиханов атындағы Тарих және этнология институтының бас ғылыми қызметкері Болат Көмеков, Ш. Уәлиханов атындағы Тарих және этнология институты директорының орынбасары Жомарт Жеңіс, Жошы Ұлысын зерттеу ғылыми институтының бас ғылыми қызметкері Айболат Көшкімбаев, Р.Б.Сүлейменов атындағы Шығыстану институты жанындағы Тарихи материалдарды зерттеу бойынша республикалық ақпараттық орталығының директоры Меруерт Әбусейітова, Ш. Уәлиханов атындағы Тарих және этнология институтының директоры Зиябек Қабылдинов, Ш. Уәлиханов атындағы Тарих және этнология институты директорының орынбасары Шәмек Тілеубаев, Мемлекет тарихы институты директорының орынбасары Бүркітбай Аяған көптомдықты әзірлеу жұмысы туралы Мемлекеттік кеңесшіге ақпарат берді.
Жиында Ерлан Қарин Қазақстан тарихы туралы академиялық басылымды әзірлеу барысының аралық қорытындысын жасады.
Мемлекеттік кеңесші көптомдықтың дайындық дәрежесін бағалай отырып, осы ғылыми жобаны жүзеге асыру ұтымды әрі объективті көзқарастарды, барлық тарихи фактілерді, материалдар мен құжаттарды жан-жақты зерделеуді және соңғы жылдардағы ғылыми жаңалықтарды айналымға енгізуді қажет ететінін атап өтті.
Бұл жобаға 5 ғылыми институт, еліміздің 250-ден және шетелдің 60-тан астам тарихшы ғалымдары жұмылдырылды.
Көптомдыққа 40-тан аса археологиялық зерттеу материалдары, тарих, археология және этнография салалары бойынша 300-ге жуық еңбек енеді.
Академиялық басылымды дайындау барысында халықаралық форумдардың, көптеген ғылыми конференцияның, дөңгелек үстелдер мен әдістемелік семинарлардың аясында арнайы секциялар өтті.
Осы іс-шараларда ғылыми зерттеулердің нәтижелері тексерілді, сондай-ақ ғалымдардан, сарапшылардан және мамандардан ұсыныстар алынды.
Дереккөз: kazinform.kz
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
