КіруҚАЗАҚСТАН-РЕСЕЙ: туристік маршруттар бірлесе жүзеге асырылады
Қазақстан Республикасының Президенті Нұрсұлтан Назарбаев пен Ресей Федерациясының Президенті Владимир Путиннің қатысуымен Петропавл қаласында Қазақстан мен Ресейдің XV өңіраралық ынтымақтастық форумы өтті. Екі елдің туристік қатынастарын нығайтуға мүмкіндік беретін форум жұмысына Батыс Қазақстан облысы әкімі Алтай Көлгінов бастаған өңіріміздің делегациясы да қатысты.
Форумның алғашқы күні «Қазақстан мен Ресейдегі туризмді дамытудың жаңа тәсілдері мен үрдістері» көрмесімен басталып, туризм саласындағы соңғы технологиялар, көрсетілді. Орал өңірінің табиғи ерекшеліктері мен тарихи-мәдени құндылықтары да аталмыш көрмеде көпшілікке паш етілді.
Форум аясында қос елдегі туризмнің түрлі салаларын қамтитын 30-ға жуық өңіраралық әрі коммерциялық келісімге қол қойылды. Қос тарап Қазақстан мен Ресей шекаралық өңірлерінде жүзден аса туристік маршрутты бірлесіп жүзеге асыруға уағдаласты.
Мамандардың айтуынша, екі ел арасындағы ықтимал әріптестіктің соны саласы – балалар мен жасөспірімдер туризмі. Батыс Қазақстан облысы бұл бағытта Ресейдің көршілес облыстарымен орнатылған екіжақты әріптестікті мейлінше нығайтуға, сонымен қатар салаға тың серпін беретін жаңа тәсілдер мен үрдістерді батыл енгізуге баса назар аударып келеді. Өңіраралық форум аясындағы көрмеде Батыс Қазақстан облысының кәсіпкерлік және индустриялдық-инновациялық даму басқармасы мен Татарстан Республикасының туризмді дамыту мемлекеттік комитеті арасында екіжақты әріптестік туралы келісімге қол қойылуы бұған айқын дәлел. Осы орайда Батыс Қазақстан облыстық балалар мен жасөспірімдер туризмі орталығының ТМД елдері арасында үздік үштікке еніп, «ЮНЕСКО клубы» мәртебесіне ие болғанын айта кеткен жөн. Қазан қаласынан келген делегацияны Ақжайық өңіріндегі балалар мен жасөспірімдер туризмін дамыту тәжірибесі мен іскерлік байланыс орнату мәселесі ерекше қызықтырып отыр.
Батыс Қазақстан облысын көрмеде Бөкей ордасы тарихи-музей кешені мен «БҚО балалар мен жасөспірімдер туризмі және экология орталығы» таныстырып, облыста су туризмін, балалар туризмін және өлке туризмін дамыту мүмкіндіктерін ұсынды.
Қазақстан мен Ресейдің келесі өңіраралық форумы Ресейдің Омбы қаласында өтеді.
суреттер http://www.akorda.kz сайтынан алынды
Версия для печати
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу