КіруҚаржылық сауаттылық қажет пе?
Қазақстандағы ата-аналардың 78%-ы мектеп қабырғасында қаржылық сауаттылық сабағын енгізуді қолдайды.
Алайда осы күні бұл жұмыс бейінді емес мұғалімдерге, яғни қазақ тілі, тарих, еңбек, дене шынықтыру пәндерінің мұғалімдеріне жүктелген. Бұл жөнінде Премьер-Министрдің орынбасары – Ұлттық экономика министрі Нұрлан Байбазаровтың төрағалығымен өткен «Қарызсыз қоғам» жобасын жүзеге асыру жөніндегі кеңес барысында белгілі болды.
– Білім беру процесіне қатысушылар арасында қаржылық сауаттылыққа оқыту формасы мен ұйымдастырылуы туралы бірыңғай түсінік жоқ. Оны әркім өз деңгейінде, яғни «курс» ретінде немесе таңдау пәні ретінде, тіпті белгілі бір пән аясындағы бөлім ретінде ұсынады. Мұғалімдердің 80%-ы «Жаһандық құзыреттілік» пәні аясында қаржылық сауаттылықты оқытуға арналған оқулықтар мен әдебиеттердің жоқ екенін айтады. Ал 19%-ы өз мектептерінде қаржылық сауаттылық мүлдем оқытылмайтынын мәлімдеді,- деді «Қарызсыз қоғам» жобасының жетекшісі Ақмарал Бекмұрзаева.
Айнара ИСА
Версия для печатиСоңғы жаңалықтар
