КіруҚарасора өсіруге арналған фитолабораторияны тапты
Өңірде жүріп жатқан «Қарасора» және «Құқықтық тәртіп» жедел-профилактикалық іс-шарасы барысында Приурал Пб криминалдық полиция қызметкерлері Дариян ауылында қарасора өсіруге арналған фитолаборатория тапты.
Мұндай іске барған сол ауылдың тұрғыны екені анықталып, ұсталды. Ол өзінің тұрғылықты жерінде екі бөлмелі пәтерде осы іспен айналысқан.
Тінту барысында полиция қызметкерлері арнайы өсірілген 3 түп қарасораны тәркіледі. Лаборатория арнайы жабдықтармен: қарасора өсіруге арналған жарық және диод шамдары, термометр, желдеткіштер, ылғалдылықты өлшеу құралымен жабдықталған.
Сондай-ақ, жоғарыда аталған үйдің ауласының гаражынан полиэтилен пакетке салынған өсімдік тектес зат алынып, тәркіленді. Осы дерек бойынша қылмыстық іс қозғалды. Тергеу жүргізілуде. Жауап алу барысында ол өз үйінің жатын бөлмесінде қарапайым ағаш шкафтан фитолаборатория жасағанын айтты.
Сонымен қатар, полицейлер есірткіні заңсыз сақтаудың үш фактісін анықтады. Мәселен, Бәйтерек ауданы тұрғынының пәтерінен ақ ұнтақ зат табылып, тәркіленді.
Сондай-ақ, Теректі ауданында санкцияланған тінту жүргізу барысында екі тұрғынның мекен-жайынан ерекше иісі бар есірткі заты табылып, тәркіленді. Мәселен, 1969 ж.т. аудан тұрғынының үйінің ауласынан арнайы иісі бар 3 газет орамасын тапты. Сараптама қорытындысына сәйкес ол жалпы салмағы 27,62 грамм «кептірілген марихуанна» екені белгілі болды. Тағы бір тұрғынның шаруашылыққа арналған құрылысынан жалпы салмағы 48.25 грамм «кептірілген марихуанна» есірткі заты табылып, тәркіленді.
Жоғарыда аталған фактілер бойынша қылмыстық істер қозғалды. Тергеу жүргізілуде. Айта кету керек, Батыс Қазақстан облысында «Орал-есірткісіз қала!» бағдарламасы аясында кең көлемді жұмыстар жүргізілуде.
БҚО ПД баспасөз қызметі
Версия для печатиСоңғы жаңалықтар
Жұмысшылардың мәртебесін арттырып, еңбегіне қоғамның назарын аудару қажет
