КіруҚАЛЫҢ ҚАРДАН ҚАУІП БАР
Биыл қар мөлшері жылдағыдан көп түсті. Сол себепті қала бойынша барлық техника күндіз-түні қарқынды түрде қардан тазалау жұмыстарына жұмылдырылған. Синоптиктер бір аптадан соң күн күрт жылынады деп болжап отыр. Ал, төтеншеліктер су тасқыны қаупі жоғары екенін айтып, дабыл қағуда.
Осы орайда бүгін облыс әкімінің орынбасары Бағдат Азбаев пен қала әкімі Мұрат Мұқаев қаланың көктемде су басу қаупі басым аудандарын аралап, қар тазалау жұмыстарын қадағалады.
– Қала бойынша өткен жылдың қараша айынан бастап 250-дей техника қар тазалау жұмыстарымен айналысуда. Бұл жұмысқа Оралдағы ірі мекеме-кәсіпорындардың техникалары тартылды. Қардың мол түсуіне байланысты оны тасымалдау шаралары күндіз-түні жүргізілуде. Салыстыра айтатын болсақ, биыл өткен жылдан 8 есе көп қар шығарылды. Бұл бұрын соңды болмаған жағдай. Биыл алғаш рет шатырлардың қарын аршуда альпинистердің көмегіне жүгіндік. ПИК-тердің де басым көбісі өз жұмыстарын жоғары атқаруда, дегенмен кейбірі міндеттерін дұрыс атқармай отыр. Қаланың тазалығын сақтау ережесіне сәйкес, 134 материал толтырылып, 10 шақты ПИК-ке құқықбұзушылық Кодексінің 505-бабы бойынша айыппұл салынып, жауапқа тартылды. Әрі қарай жұмыстары қадағаланады. 32 су тасқыны қаупі бар аумақта қарқынды жұмыстар атқарылуда. Әр адам өз аулаларын қардан тазалауы керек. Қазір қалада ұзындығы 92 шақырым арықтар болса, соның 50 пайыздан артығы аршылды. Ең бастысы су келген кезде арықтар таза болуы керек, – деген қала әкімі Мұрат Мұқаев тұрғындарды өз аулаларын уақытылы қардан тазалауға шақырды.
Өз жұмысына салғырттық танытып, айыппұл арқалаған «Домуправ» ПИК-інің төрағасы Қуаныш Танаманов кооперативке қарасты 30-үйдің он бесінің айналасын, шатырын қардан тазалағандарын жеткізді.
– Демалыссыз жұмыс істеп жатырмыз. Өйткені қар көп. Екі күн бұрын айыппұл салды. Бес адам жұмыспен қамту орталығынан көмекке шақырдық, – деген ол жұмыс күші жетіспейтінін алға тартты.
Сондай-ақ төтеншеліктер үйлерді аралап, су тасқыны қаупі мен оның алдын алу туралы жадынамалар үлестіруге кірісті.
Кәусар БАЙҒАЛИЕВА
Версия для печати
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу