КіруАқ Жайық жұрты ерлікке тағзым етті
Бүгін, 9 мамыр күні Жеңістің 80 жылдығына орай «Мәңгілік алау” алаңына жиналғандардың қарасы көп болды.
1945 жылғы 9 мамыр – адамзат тарихындағы ең қастерлі де, құрметті, киелі де,құдіретті күн. Дәл осы күні бес жылға созылған соғыстың ең соңғы нүктесі қойылды. Жиырмасыншы ғасырда ғаламшар тағдырын айқындап берген бұл Ұлы оқиға адамзат жүрегінде мәңгі жазылып қалды. Бүгінгі ұрпақ сол ата – бабамыздың ерліктері мен қаһармандық істері алдында мәңгі қарыздар.
Жеңістің 80 жылдығына орай оздырылған шара әскери оркестрдің орындауындағы патриоттық музыкамен басталды. Бұдан соң майданда қаза тапқандарды жиынға келгендер бір минут үнсіздікпен еске алды.
Одан әрі Мәңгілік алауға гүл шоқтарын қою рәсімін БҚО әкімі Н.Төреғалиев, соғыс ардагері К.Кочережкин, «Ауыл» партиясының төрағасы С.Егізбаев бастап барды. Сондай- ақ депутаттар, құқық қорғау органдарының, қоғамдық кеңес мүшелері, этномәдени бірлестіктері, спортшылар, мемлекеттік орган өкілдері,білім саласының қызметкерлері, жоғары, арнаулы, орта оқу орындары гүл шоқтарын қойып, қан майданда шейіт болғандарға тағзым етті.
Сонымен қатар «Бауырластар зираты», Г.Жуков , Т.Масин, «Ол күндердің даңқы өшпейді» ескерткіштеріне де гүл шоқтары қойылды.
«Жайық үні»
Версия для печатиСоңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
