КіруАҚЖАЙЫҚТА ӘДЕБИЕТШІЛЕР ҮЙІ АШЫЛДЫ
Бүгін қазақтың ардақты ақыны,Мемлекеттік сыйлықтың иегері Ақұштап Бақтыгерееваның 80 жас мерейтойына арналып, ақын туып-өскен мекенде, яғни Ақжайық ауылында Әдебиетшілер үйі ашылды.
Ашылу салтанатына өңіріміздің қарымды қаламгерлері және Батыс Қазақстан облысы мәдениет, тілдерді дамыту және архив ісі басқармасы басшысының орынбасары Медхат Қамбетов қатысты.
Әдебиетшілер үйінің лента қию рәсімі Теректі ауданының әкімі Әлия Биғазықызы мен Ақұштап Бақтыгерееваға берілді.
Салтанатты ашылудан соң руханият ошағының менмұндалап тұрған, заман талабына сай жасақталған бөлмелерімен танысты. Оның ішінде Жайықтың Ақ Шағаласына арналған бөлмеден өлеңнің лебі есті.
Бұдан соң Әдебиетшілер үйінде өңіріміздің қаламгерлері бас қосқан конференция өтті. Жылы жүздесуді Жазушылар Одағы Батыс Қазақстан облысы филиалының төрағасы, облыстық «Орал өңірі» газетінің бас редакторы, Ұлттық құрылтайдың мүшесі Бауыржан Ғұбайдуллин тізгіндеді.
Әдебиетшілер үйінің ашылу салтанатына қатысқан ақын-жазушылар рухани ошақтың жаңа жұмысына сәттілік тіледі. Жүздесу барысында қазақтың аяулы ақын қызына Сағынтай Бисенғалиев өлең оқыса, жас айтыскер Әділ Ахметов арнау айтты.
«AQJAIYQ» арнасының директоры Клара Қамбетова арнаның алпыс жылдық мерейтойына арналған мерекелік медальді Ақұштап Бақтыгерейқызына табыстады. Содан соң ақынның 80 жасына арнап, арна түсірген бағдарламадан үзінді көрсетілді.
Ақтілек ӘЛІБЕКҰЛЫ
Версия для печатиСоңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
