КіруБАЛАЛАР ҚАУІПСІЗДІГІ ҮШІН…
Батыс Қазақстан облысында халықаралық «Қауіпсіз жолдар» жобасы аясында жасөспірімдерге жол қауіпсіздігін меңгертуге бағытталған «Батыс Қазақстан облысындағы қауіпсіз жолдар» жобасы қолға алынуда. Жаңа жобаны облыс әкімдігінің қолдауымен ШЕЛЛ, ЭНИ концерндері, EASST ағылшын қайырымдылық ұйымы және оның өңірлік серіктесі «Гауһар жол» қоғамдық бірлестігі бірлесе жүзеге асырмақ.
Күн сайын әлемде орта есеппен 18 жасқа дейінгі 500 бала жол-көлік оқиғасынан көз жұмады. Жыл басынан бері облысымызда балалардың қатысуымен 29 жол-көлік оқиғасы орын алып, салдарынан бір бала көз жұмған. 34 бала түрлі деңгейдегі жарақат алыпты. Балалардың қауіпсіздігі мәселесінде жол жүру ережелері аса маңызды болып отыр. Сондықтан оларға қауіпсіздік дағдыларына үйрету ешқашан ерте емес.
Осы орайда қолға алынып отырған «Батыс Қазақстан облысындағы қауіпсіз жолдар» жобасы – БҚО әкімдігі және ШЕЛЛ, ЭНИ концерндері, EASST ағылшын қайырымдылық ұйымы және оның өңірлік серіктесі «Гауһар жол» қоғамдық бірлестігінің бірлескен жобасы болып табылады. 2019 жылдың бесінші наурызында облыс әкімдігінің қолдауымен аталмыш жоба аясында жоғарыдағы компаниялар ынтымақтастық меморандумына қол қойған. Жобаның басты мақсаты – жазатайым апаттар мен жол-көлік оқиғасының алдын алу, БҚО-да жол қауіпсіздігін жақсарту.
Бүгін «Еуразия», «Атамекен» лагерлерінде өткізілген шара барысында жол қауіпсіздігі жайында театрландырылған қойылым көрсетілді. Балаларға арналған жол қозғалысы ережелерінен сұрақ-жауап айдары да жүргізілді. Сондай-ақ балғындарға жарық шағылыстыратын әшекейлер таратылды. Жоба жетекшілерінің айтуынша, балаларға түсіндіру жұмыстарынан бөлек қала аумағында төрт мобильдік алаң жасақталып, жол қауіпсіздік ережелері практикалық тұрғыда үйретілетін болады.
– Тамыз айынан бастап, мобильдік алаңдар жұмысы басталады. Әзірге оқушылар сарайы аумағында мобильдік алаң жасақтау көзделіп отыр. Онда оқушылар жол қозғалысы ережелерін үйренеді. Одан бөлек қауіпті жол өткелдері зерттеліп, балалардың қауіпсіздігі үшін ұсыныстар берілетін болады. Біздің мақсатымыз – жол-көлік оқиғасының алдын алу. Алдағы уақытта бұл шаралар жалғасады, – деді жоба үйлестірушісі Гүлнара Бисенова.
Жобаны нәтижелі жүргізу мақсатында білім беру, жастар ісі, жолаушылар көлігі мен автомобиль жолдары басқармасының және облыстық ПД жергілікті полиция қызметінің өкілдері, кәмелетке толмағандардың ісі жөніндегі инспекторлар бірлесе жұмыстанбақ.
Эльмира НҰҒМАНОВА
Версия для печати
Соңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Пікір үстеу