КіруСАЯБАҚТЫҢ ЖАЗҒЫ МАУСЫМЫ АШЫЛДЫ
Бүгін, 1 мамыр – Қазақстан халқының бірлігі күні мерекесінде Орал қаласы мәдениет және демалыс саябағының жазғы демалыс маусымы ашылды. Саябаққа жиналғандар мерекеге орай ұйымдастырылған концертті тамашалады.
Демалыс орнының ашылуымен саябақ төріндегі 6 метрлік су бұрқағы іске қосылып, ата-аналар мен балалар «музыка ырғағымен билейтін» су бұрқағын қызықтады. «Жастар» Мәдениет үйі өнерпаздары мен мәдени-ағарту бірлестігі аула клубтарының тәрбиеленушілері мерекелік концерт ұсынды. Сондай-ақ балалар асфальтқа бейбітшілік тақырыбында сурет салып, спорттық ойындарға қатысты.
– Саябақты жарықтандыру, жөндеу, абаттандыру жұмыстары жүргізілді. Шолу дөңгелегін (Колесо обозрения) ауыстыру жоспарда бар. Келушілерге жайлы жағдай жасау мақсатында жандандыруды жалғастыратын боламыз. Мәдениет және демалыс саябағы шаһар тұрғындары мен қонақтарының сүйікті демалыс орны. Сондықтан жаз маусымында келушілердің көңіл-күйін көтеру мақсатында түрлі бағыттағы іс-шаралар өткізілетін болады, – дейді қалалық мәдениет және тілдерді дамыту бөлімінің басшысы Қуанышбек Мұқанғалиев.
Нұрлан ЕДІГЕНОВ
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу