Кіру«ДЕМЕУШІЛІК, ШАРАПАТ – АЛАР ЕЛДІҢ АЛҒЫСЫН»
Ел болып етегіміз жиғалы бері де жан жылуына зәру қандастарымыз бен қарлығаштарымызға Мемлекет басшысынан бастап барша азаматтар демеушілік жасауда. Түрлі акциялар ұйымдастырылып оң нәтижелер көрсетуде. Соның бір көрінісі ретінде Ұлт көшбасшысы Н.Ә.Назарбаевтың оқушылардың мектепке толық баруын қамтамасыз ету туралы тапсырмасын орындау мақсатымен 10 қаңтарынан бастап республика көлемінде «Қамқорлық» акциясы өткізілуде.
Акция аясында оқумен қамтылмаған балаларды анықтауда аз қамтылған және көп балалы отбасы, жетім, жартылай жетім балаларға қолдау көрсетуге, әлеуметтік себептерге байланысты балалардың мектепке келмей қалуының алдын алуға байланысты біршама жұмыстар атқарылды. Мектеп жасындағы барлық балаларды орта біліммен қамту проблемаларына жұртшылықтың және халықтың назарын аударып, міндетті орта білім алуға барлық азаматтардың құқығын қамтамасыз ету жөнінде ақпараттық және түсіндірме жұмыстары жүргізілді.
Оқу жылы басталғалы Ж.Молдағалиев атындағы №2 ЖОББ мектебінде «Қамқорлық» акциясы екінші рет ұйымдастырылып отыр. Әрдайым көмек қолын созудан қашпайтын, акцияның жандануына №14 округі бойынша қалалық мәслихаттың депутаты Тұрарбек Тлемісов игілікті іс жасап, үлкен адамгершіліктің белгісін көрсетіп келеді. 10 аз қамтылған отбасыға 48 000 теңге көлемінде тамақ қорымен көмектесті. Мейірімі жүрекке толы жандар тағы да 10 аз қамтылған отбасыға тұрмысқа қажетті химиялық заттар алып берді.
Мектебіміздің ата-аналары да бұл акциядан тыс қалмай, демеушіліктері ретінде 1 отбасыға 1 айға жететіндей тамақ қорымен және 4 оқушыға сабаққа қажетті кеңсе тауарлары мен киім-кешекпен көмектесті.
Қайырымдылық жасау тек киім-кешек немесе зат алып беру ғана шектелмейтіні белгілі. Сондықтан мектебіміздің әлеуметтік жағдайы төмен отбасының балаларына екінші жыл қатарынан «Қамқорлық» акциясына белсене қатысып отырған демеушілерміздің бірі «Мастерская красоты» сұлулық салонының шебері Татьяна Руденко 15 ұл мен 2 қыздың шаштарын тегін қиып шарапатын тигізді. Сонымен қатар мектебіміздің түлегі Нұржан Жылқышбаев бастауыш сыныптарынан 7 аз қамтылған отбасы балаларының шаштарын соңғы үлгіге сай қидыртуына демеушілік көрсетті.
Бұдан бөлек мектебіміздің 9-сынып оқушылары еңбек және соғыс ардагерлерінің үйіне барып, аулаларын қардан тазалауға қол ұшын берді. Әжелердің алғысын алды.
«Демеушілік шарапат, алар елдің алғысын» демекші, тұрақты демеушілеріміз де қайырымды қамқоршы ісінен таймай, ел батасын ала берсін демекпіз. Бір-бірімізге бақыт сыйлар жүрек жылуымыз, мейірімділігіміз сарқылмасын!
А.Елеуова,
Ж.Молдағалиев атындағы №2 ЖОББМ әлеуметтік педагогы
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Пікір үстеу