КіруОрал мектептерінде жаңа оқу жылы басталды
Орал қаласында 1 қыркүйек – Білім күніне орай жаңа оқу жылының басталуына арналған салтанатты жиындар өтті.
Жаңа оқу жылында қала мектептерінде 65 242 оқушы білім алады. Оның ішінде 6 100 оқушы алғаш рет мектеп табалдырығын аттап, бірінші сыныпқа қабылданды.
Орал қаласының әкімі Мұрат Байменов №1 мектептегі білім күніне арналған салтанатты шараға қатысып, ұстаздар қауымын, ата-аналар мен оқушыларды жаңа оқу жылының басталуымен құттықтады.
Жиын барысында қала әкімі білім беру саласындағы басым бағыттарға тоқталып, оқушылардың сапалы білім алуына қажетті жағдай қалыптастырудың маңызын атап өтті. Атап айтқанда, білім сапасын арттыру, педагогтердің кәсіби біліктілігін жетілдіруге қолдау көрсету және білім алушылар үшін қауіпсіз орта қалыптастыру бағытындағы жұмыстарға назар аударылды.
Жаңа оқу жылында қаладағы білім беру инфрақұрылымын дамыту бағытында да бірқатар өзгеріс бар. Үш мектепке гимназия мәртебесі берілді. Бұл білім беру ұйымдарындағы оқу процесін жетілдіруге және оқушылардың білім нәтижелерін арттыруға мүмкіндік береді.
Оқушылардың қауіпсіздігіне қатысты жұмыстар да кезең-кезеңімен жүзеге асырылуда. «Қауіпсіз өңір» жобасы шеңберінде 16 мектепке жақын орналасқан көшелерді жарықтандыру көзделген. Бүгінде 11 мектептің маңындағы тиісті жұмыстар аяқталды.
Қаланың білім алушылары өткен оқу жылында да түрлі деңгейдегі білім додаларында өз нәтижелерін көрсетті. Облыстық, республикалық және халықаралық байқауларға қатысқан оқушылар жүлделі орындарға ие болып, Орал қаласының білім беру саласындағы жетістіктерін толықтырды.
Алдағы оқу жылында білім сапасын арттыру, оқушылардың шығармашылық және зияткерлік әлеуетін дамыту, сондай-ақ білім алуға қолайлы жағдай жасау бағытындағы жұмыстар жалғасады.
Білім күні құтты болсын!
Соңғы жаңалықтар
Кеңсуат негізгі орта мектебінің жаңа ғимараты пайдалануға берілді
БІЛІМ КҮНІ: «ӘДІЛЕТ» ПАРТИЯСЫ МЕКТЕПТЕРГЕ ІЗГІ ТІЛЕК ЖОЛДАДЫ
Мемлекет басшысы Қазақстан Республикасы Қауіпсіздік Кеңесі Төрағасының орынбасары Аида Балаеваны қабылдады
Мемлекет басшысы Құрылтай отырысында Вице-Президент және Премьер-министр лауазымдарына кандидатураларды ұсынды
Мемлекет басшысының Жарлығымен Ерлан Тынымбайұлы Қарин Қазақстан Республикасының Вице-Президенті болып тағайындалды.
В трех селах Каратобинского района ЗКО запущен водопровод за счет возвращенных активов
Семей полигонының жабылғанына 35 жыл: Курчатовта не өзгерді
Мемлекеттік қызметке кірудің жаңа мүмкіндіктері: жастар үшін не өзгерді?
Jastar X диалог алаңында Құрылтай сайлауындағы жастардың рөлі тақырыбында сарапшылар кездесуі өтті
Вьетнамдағы Қазақстан мәдениеті күндері аясында екі елдің өнер шеберлері қатысқан гала-концерт өтті
