КіруТАЗА СУ – АУЫЛҒА ЖЕТКЕН ИГІЛІК
Қаратөбе ауданындағы Төлен, Сәуле және Қарақамыс ауылдары орталықтандырылған ауыз су жүйесіне қосылды. Нәтижесінде үш елді мекеннің 1675 тұрғыны сапалы ауыз сумен тұрақты қамтамасыз етілетін болды.
Үш ауылды сумен қамтуға бағытталған ауқымды жобаның құрылыс жұмыстары толық аяқталып, жаңа жүйе пайдалануға берілді. Осыған орай Сәуле ауылында салтанатты шара өтіп, оған Батыс Қазақстан облысының әкімі Нариман Төреғалиев, облыстық мәслихат төрағасы Мұрат Мұқаев, облыс прокуроры Нұрбек Ұласбекұлы, аудан басшылығы мен ауыл тұрғындары қатысты.
Жиында сөз алған аймақ басшысы ауыл тұрғындарын көптен күткен игіліктің іске қосылуымен құттықтады. Ол халықтың тұрмыс сапасын жақсарту, елді мекендерді қажетті инженерлік инфрақұрылыммен қамтамасыз ету – мемлекеттік саясаттың маңызды бағыттарының бірі екенін атап өтті.
– Су – тіршілік нәрі. Жүйелі жұмыстардың нәтижесінде Қаратөбе ауданы 100 пайыз таза ауыз сумен қамтылды. Жалпы облыс халқы да орталықтандырылған ауыз су жүйесіне толық қосылған. Ендігі міндет – осы байлықты ұқыпты пайдалану. Президент атап өткендей, әр азамат пен әр отбасы су тұтыну мәдениетін қалыптастыруға жауапкершілікпен қарауы қажет, – деді Нариман Төреғалиев.
Жоба Мемлекет басшысының тапсырмасымен мемлекет меншігіне қайтарылған заңсыз активтер қаражатын әлеуметтік және коммуналдық инфрақұрылымға бағыттау аясында жүзеге асырылды.
Жалпы құны 2,2 млрд теңгені құрайтын жоба бойынша Төлен, Сәуле және Қарақамыс ауылдарына жаңа су құбыры тармақтары жүргізіліп, магистральдық сумен жабдықтау жүйелері салынды. Құрылыс жұмыстары 2025 жылдың сәуірінде басталып, 2026 жылдың тамызында аяқталды.
Жоба қаржысының 80 пайызы арнайы қордан, яғни мемлекетке қайтарылған заңсыз активтер есебінен бөлінген.
Салтанатты жиында еңбек ардагерлері де сөз алып, ауыл тұрғындарының тұрмыс сапасын арттыруға бағытталған бұл жобаның маңызын атап өтті. Олар елді мекендердің әлеуметтік және инженерлік инфрақұрылымын дамытуға көрсетіліп отырған қолдау үшін мемлекетке және өңір басшылығына жерлестері атынан алғыс білдірді.
Осылайша, Қаратөбе ауданындағы үш ауылдың тұрғындары үшін сапалы ауыз су мәселесі шешімін тапты. Жаңа жүйенің іске қосылуы ауыл халқының тұрмыс жағдайын жақсартып қана қоймай, елді мекендердің инфрақұрылымдық дамуына да серпін бермек.
Соңғы жаңалықтар
Мемлекеттік қызметке кірудің жаңа мүмкіндіктері: жастар үшін не өзгерді?
Jastar X диалог алаңында Құрылтай сайлауындағы жастардың рөлі тақырыбында сарапшылар кездесуі өтті
Вьетнамдағы Қазақстан мәдениеті күндері аясында екі елдің өнер шеберлері қатысқан гала-концерт өтті
Квазимемлекеттік сектордағы комплаенс-бақылау мәселелері талқыланды
Қазақстан мұғалімдердің беделін нығайту көрсеткіші жөнінен екінші орында тұр
Мемлекет басшысы ұстаздар қауымын дәстүрлі Тамыз конференциясының ашылуымен құттықтады
Құрылтай сайлауы еліміздің қоғамдық-саяси өміріне үлкен өзгеріс әкелді – Президент
Президент тапсырмаларын жүзеге асыру: Қазақстан өңірлерінде жаңа өндірістер, инфрақұрылымдық және әлеуметтік нысандар ашылды
Президент «Бірінші шақырылымдағы Қазақстан Республикасы Құрылтайының бірінші сессиясын шақыру туралы» Жарлыққа қол қойды
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
