КіруБҚО-да жылыту маусымына дайындық 96%-ға жетті
ҚР Премьер-министрі Олжас Бектеновтің төрағалығымен өткен Үкімет отырысында 2027–2029 жылдарға арналған әлеуметтік-экономикалық даму болжамы, «2026–2028 жылдарға арналған республикалық бюджет жобасы туралы» заң жобасы және алдағы жылыту маусымына дайындық мәселелері қаралды. Жиынға Батыс Қазақстан облысының әкімі Нариман Төреғалиев селекторлық режимде қатысты.
Отырыста өңірлердің әлеуметтік-экономикалық көрсеткіштері мен бюджеттік жоспарлау барысы сараланды. Батыс Қазақстан облысының 2027–2029 жылдарға арналған әлеуметтік-экономикалық даму көрсеткіштерінің жобасы белгіленген талаптарға сәйкес әзірленуде. Қазіргі уақытта қажетті мәліметтер жинақталып жатыр. Жобаны 15 қыркүйекке дейін бюджет комиссиясына, 1 қазанға дейін облыс әкімдігіне енгізу көзделген. Тиісті келісімдерден кейін құжат мәслихаттың қарауына ұсынылады.
Өңірдегі экономикалық ахуал да оң сипатта. Қаңтар–шілде айларының қорытындысы бойынша ауыл шаруашылығы өнімінің көлемі 4,9%-ға артқан. Негізгі капиталға салынған инвестициялар 13,3%-ға өскен. Құрылыс саласында да өсім бар: орындалған құрылыс жұмыстарының көлемі 17,3%-ға көбейіп, 265,8 мың шаршы метр тұрғын үй пайдалануға берілді.
Ішкі сауда мен жұмыспен қамту салаларында да тұрақты даму үрдісі қалыптасып отыр.
Күн тәртібіндегі маңызды мәселелердің бірі – 2026–2027 жылдардағы жылыту маусымына дайындық. Облыста бұл бағыттағы жұмыстар кезең-кезеңімен жүргізілуде. Қазіргі уақытта әлеуметтік нысандардың 96%-ы жылыту маусымына дайын. Дайындық жұмыстары 2 320 көппәтерлі тұрғын үйді қамтыды. Бюджеттік ұйымдарға қажетті көмірдің 95%-ы жеткізілді.
Коммуналдық инфрақұрылым нысандарын қысқы кезеңге дайындау жұмыстары да жалғасуда. Электр желілерінде 947 шақырым, газ желілерінде 358,7 шақырым, жылу желілерінде 15,6 шақырым, сумен жабдықтау және су бұру желілерінде 9,5 шақырым жұмыс орындалды.
Үкімет отырысынан кейін облыс әкімі жауапты құрылымдарға жылыту маусымына дайындықты белгіленген мерзімде толық аяқтауды тапсырды. Анықталған мәселелерді жедел шешіп, әлеуметтік нысандардың, тұрғын үй қорының және инженерлік-коммуналдық инфрақұрылымның қысқы кезеңге әзірлігін қамтамасыз ету міндеті қойылды.
Версия для печатиСоңғы жаңалықтар
Мемлекеттік қызметке кірудің жаңа мүмкіндіктері: жастар үшін не өзгерді?
Jastar X диалог алаңында Құрылтай сайлауындағы жастардың рөлі тақырыбында сарапшылар кездесуі өтті
Вьетнамдағы Қазақстан мәдениеті күндері аясында екі елдің өнер шеберлері қатысқан гала-концерт өтті
Квазимемлекеттік сектордағы комплаенс-бақылау мәселелері талқыланды
Қазақстан мұғалімдердің беделін нығайту көрсеткіші жөнінен екінші орында тұр
Мемлекет басшысы ұстаздар қауымын дәстүрлі Тамыз конференциясының ашылуымен құттықтады
Құрылтай сайлауы еліміздің қоғамдық-саяси өміріне үлкен өзгеріс әкелді – Президент
Президент тапсырмаларын жүзеге асыру: Қазақстан өңірлерінде жаңа өндірістер, инфрақұрылымдық және әлеуметтік нысандар ашылды
Президент «Бірінші шақырылымдағы Қазақстан Республикасы Құрылтайының бірінші сессиясын шақыру туралы» Жарлыққа қол қойды
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
