Кіру«Мектепке жол» акциясы аясында әлеуметтік қолдау жалғасады
Батыс Қазақстан облысының өңірлік коммуникациялар қызметінде өткен брифингте жаңа оқу жылы қарсаңында ұйымдастырылатын «Мектепке жол» республикалық қайырымдылық акциясының барысы сөз болды. Жиында облыстық білім басқармасы басшысының орынбасары Саягүл Галиева акцияның негізгі бағыттары мен көмек көрсету тетіктеріне тоқталды.
Білім басқармасының мәліметінше, қайырымдылық шарасы 1 тамыз бен 30 қыркүйек аралығында өтеді. Дәстүрлі акцияның басты мақсаты – әлеуметтік жағынан осал санаттағы отбасылардың балаларына қолдау көрсетіп, оларды мектепке қажетті киім-кешекпен және оқу құралдарымен қамтамасыз ету.
Брифинг барысында мемлекеттік қолдау алу тәртібі де түсіндірілді. Қаржылай көмекке үміткер ата-аналар алдымен баласы оқитын білім беру ұйымының директорына өтініш беруі қажет. Құжаттары талапқа сай келген азаматтар екінші деңгейлі банктерде арнайы шот ашып, бөлінген қаражат сол есепшотқа аударылады.
Сонымен қатар акция тек мемлекеттік қолдаумен шектелмейтіні айтылды. Балаларды мектепке даярлау жұмысына кәсіпкерлер, мемлекеттік мекемелер, үкіметтік емес ұйымдар мен қайырымдылық жасаушылар да атсалысып, көмекке мұқтаж отбасыларға қолдау көрсетеді.
Сөз соңында Саягүл Мәулетқызы жаңа оқу жылы қарсаңында ешбір баланың назардан тыс қалмауы маңызды екенін атап өтті. Осыған байланысты облыс тұрғындарын, бизнес өкілдерін, мекеме басшыларын және жанашыр азаматтарды «Мектепке жол» республикалық қайырымдылық акциясына белсенді қатысуға шақырды.
Версия для печатиСоңғы жаңалықтар
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Оралда азық-түлік дүкеніне қарақшылық шабуыл жасаған күдікті ұсталды
Жүгіру, пікірталас және еркін форматтағы әңгіме: Қазақстандағы сайлауалды дода қалай өтіп жатыр?
Астанада 6-9 тамыз аралығында Орталық Азиядағы ең ірі гик-мәдениет фестивалі – Comic Con Astana 2026 өтеді
ОСК Құрылтай сайлауына арналған дауыс беру бюллетенінің үлгісін көрсетті
БҚО-да ірі инвестициялық жобаларды қаржыландыру мәселесі талқыланды
Құрылтай сайлауы: сайлау учаскеңізді Telegram-бот арқылы оңай анықтаңыз
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
