КіруБҚО-да 1 млрд теңгелік инвестициялық жоба іске қосылды
Батыс Қазақстан облысында республикалық маңызы бар жол бойында 1 млрд теңгенің инвестициялық жобасы іске қосылды. Сырым ауданының Жымпиты ауылында автогаз толтыру компрессорлық станциясы бар сервистік қызмет көрсету кешені ашылды.
Салтанатты рәсімге жиналғандарға облыс әкімі Нариман Төреғалиевтің құттықтауын жеткізген оның орынбасары Мирас Мүлкәй тоғыз жолдың торабында сервистік инфрақұрылымды дамыту әрі экологиялық таза отын түрін қолдануға бағытталған стратегиялық жобаның маңызына тоқталды.
– Мұндай станция өңірдегі республикалық маңызы бар автокөлік жолының бойында алғаш рет іске қосылды. Метанды пайдалану қоршаған ортаға зиянды азайтып, жасыл экономиканы дамытуға оң әсерін тигізеді. Аймақ басшысы Нариман Төреғалиевтің тікелей тапсырмасымен биыл негізгі капиталға тартылатын инвестиция көлемін 1 трлн 51,2 млрд теңгеге жеткізу міндеті жүктелді. Барлық бағыт бойынша кешенді жұмыстар жүргізілуде, – деді Мирас Мүлкәй.
Жобаны «Алаш Метан» ЖШС жүзеге асырды. Сығылған табиғи газды қолданысқа беретін станцияның жылдық қуаты 21 млн текше метрге дейін жетеді. Кешенде бұдан бөлек жол бойы қызмет көрсету пункті, дүкен, санитарлық-тұрмыстық бөлмелер, жеңіл және жүк көліктеріне арналған автотұрақ қарастырылған. Кәсіпорында 14 жергілікті тұрғын жұмыспен қамтылды.
Айта кетейік, Сырым ауданында биыл негізгі капиталға 10 млрд теңге инвестиция тарту көзделген. Қазіргі таңда жоспардың жартысы орындалды.
БҚО әкімінің баспасөз қызметі
Соңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
