КіруАграрлық маусым: БҚО-да 626 мың гектарға егін егіледі
Батыс Қазақстан облысында көктемгі егіс науқаны жоспарға сай жүргізілуде. Қазақстан Республикасының Премьер-министрі Олжас Бектеновтің төрағалығымен өткен Үкімет отырысында еліміздегі көктемгі дала жұмыстарының барысы қаралды. Жиынға Батыс Қазақстан облысының әкімі Нариман Төреғалиев селекторлық режимде қатысты.
Биыл өңірде ауыл шаруашылығы дақылдары егілетін жалпы алқап көлемі 626 мың гектарды құрайды. Егіс құрылымында дәнді және мал азықтық дақылдарға басымдық беріліп отыр. Сонымен қатар 123 мың гектар жерге майлы дақылдар егу жоспарланған. Ал картоп, көкөніс және бақша өнімдеріне 4 мың гектар алқап бөлінген. Бұл бағыттағы жұмыстар өңірде ауыл шаруашылығы өндірісін әртараптандыруға, ішкі нарықты қажетті өнімдермен қамтамасыз етуге және мал шаруашылығы базасын нығайтуға мүмкіндік береді.
Қазіргі таңда облыс диқандары көктемгі дала жұмыстарын белсенді жүргізуде. Бүгінге дейін 478 мың гектар алқапта ылғал жабу жұмыстары атқарылды, 113 мың гектар жерге жаздық дақылдар себілді. Егіс науқанына қажетті тұқым қоры дайындалып, ауыл шаруашылығы техникалары жұмысқа толық әзірленді.
Дала жұмыстарының уақытылы әрі сапалы өтуі үшін шаруаларға қажетті қолдау шаралары қарастырылған. Атап айтқанда, диқандар отандық кәсіпорындардан 12,9 мың тонна минералды тыңайтқыш сатып алды. Материалдық-техникалық базаны жаңарту мақсатында «ҚазАгроҚаржы» АҚ арқылы жалпы құны 6,5 млрд теңге болатын 597 бірлік жаңа ауыл шаруашылығы техникасы лизингке рәсімделді.
Сонымен қатар көктемгі егіс жұмыстарына 10,5 мың тонна дизель отыны бөлінді. Жеңілдетілген жанармай бағасы литріне 270 теңге болып белгіленді. Бұл шаруашылықтардың шығынын азайтып, егіс науқанын тиімді ұйымдастыруға септігін тигізеді.
Биыл аграрлық саланы қолдауға жергілікті бюджеттен 2,7 млрд теңге субсидия қарастырылды. Бұдан бөлек, «Аграрлық несие корпорациясы» арқылы 12,9 млрд теңге көлемінде қаржы бөлініп, бүгінгі күнге дейін шаруаларға 5 пайыздық мөлшерлемемен 8,6 млрд теңге несие берілді. Өтінімдерді қабылдау жұмыстары әлі де жалғасуда.
Көктемгі дала жұмыстарының барысы жауапты құрылымдардың тұрақты бақылауында. Негізгі міндет – егіс науқанын агротехникалық талаптарға сай әрі белгіленген мерзімде аяқтап, ауыл шаруашылығы өнімдерінің тұрақты көлемін қамтамасыз ету.
Ә.Бақытжанқызы
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
