КіруОралда қоғамдық көлік паркі жаңа автобустармен толықты
Орал қаласында жолаушылар тасымалының сапасын жақсарту бағытындағы жұмыстар жалғасуда. Осы орайда қаладағы қоғамдық көлік паркі метанмен жүретін жаңа автобустармен толықты.
Бүгін шаһарда қала әкімі Мұрат Байменовтің қатысуымен жаңа автобустардың кілтін табыстау рәсімі өтті.
Жолаушыларға қолайлы әрі сапалы қызмет көрсету мақсатында «Оралавтотранс» ЖШС «Yutong» маркалы 10 жаңа автобусты қалаішілік бағыттарға шығармақ. Бұл жаңа көліктер экологиялық талаптарға сай жасалған. Сонымен қатар автобустардың іші кең әрі ыңғайлы, қауіпсіздік жүйелерімен жабдықталған және мүмкіндігі шектеулі жандардың қозғалысына бейімделген. Алдағы уақытта бұл автобустар №9 маршрут бойынша жолаушыларға қызмет көрсетеді.
Салтанатты рәсімде қала әкімі Мұрат Байменов қоғамдық көлік жүйесін жаңарту тұрғындардың күнделікті өмір сапасына тікелей әсер ететінін атап өтті. Оның айтуынша, қоғамдық көліктің қолжетімді, қауіпсіз әрі жайлы болуы – қала инфрақұрылымын дамытудың маңызды бағыттарының бірі.
Қазіргі таңда Орал қаласында 27 қалалық, 10 саяжай және 6 қала маңындағы бағыт бойынша автобустар қатынайды. Күн сайын 300-ден астам қоғамдық көлік желіге шығып, тұрғындарға тұрақты қызмет көрсетіп келеді.
Соңғы жылдары қалада қоғамдық көлік паркін кезең-кезеңімен жаңарту жұмыстары жүргізілуде. Бұл бағыттағы шаралар жолаушылар тасымалының сапасын арттырып, тұрғындарға қолайлы жағдай жасауға мүмкіндік береді.
Жаңа автобустардың іске қосылуы Орал қаласындағы көлік инфрақұрылымын дамытуға серпін беріп, тұрғындардың қауіпсіз әрі жайлы қатынауына жағдай жасайды.
Ә.Бақытжанқызы
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
