Кіру«Өсу капиталы: аймақтың жаңа мүмкіндіктері» инвестициялық форумы өтті
Орал қаласында Батыс Қазақстан облысы әкімдігі мен облыс прокуратурасының ұйымдастыруымен «Өсу капиталы: аймақтың жаңа мүмкіндіктері» атты инвестициялық форум өтті. Аталған жиын өңірдің экономикалық әлеуетін кеңінен таныстыруға, бизнес қауымдастықпен байланысты нығайтуға және инвесторлардың құқықтарын қорғау тетіктерін жетілдіруге бағытталды.
Форумға облыс әкімі Нариман Төреғалиев, облыс прокуроры Нұрбек Ұласбекұлы, Қазақстан Республикасы Бас прокуратурасының Инвесторлардың құқықтарын қорғау жөніндегі комитеті төрағасының орынбасары Азамат Дүйсембеков, Өнеркәсіп комитеті төрағасының орынбасары Мұхамед Андақов, Өңірлік кәсіпкерлер кеңесінің төрағасы Мұрат Жақыбаев, сондай-ақ отандық және шетелдік инвесторлар қатысты.
Маңызды шара өңірдегі жоғары оқу орындары мен ірі кәсіпорындардың инновациялық жобалар көрмесінен басталды. Көрмеде жаңа технологияларға негізделген бастамалар, өндірістік шешімдер мен экономикалық тиімділігі жоғары жобалар таныстырылды. Бұл алаң инвесторлар мен жергілікті кәсіпкерлер үшін өзара тәжірибе алмасуға және жаңа әріптестік байланыстар орнатуға мүмкіндік берді.
Форум барысында Батыс Қазақстан облысының инвестициялық әлеуеті туралы бейнеролик көрсетіліп, өңірде жүзеге асырылып жатқан және алдағы уақытта қолға алынатын жобалар жайында баяндалды. Қалдықтарды қайта өңдеу, энергетика, логистика, фармацевтика және өндіріс салаларына қатысты бірқатар ірі бастамалар талқыланды. Атап айтқанда, жылына 100 мың тонна қоқыс өңдейтін зауыт салу, газтурбиналық электр стансасын іске қосу, «Еуразия» логистикалық хабын құру, фармацевтикалық препараттар шығару бағытындағы жобалар таныстырылды. Бұл бастамаларға оңтүстік кореялық, қытайлық және ресейлік компаниялар қызығушылық танытып отыр.
Өз сөзінде облыс әкімі Нариман Төреғалиев инвестиция тарту өңір дамуының негізгі басымдықтарының бірі екенін атап өтті. Аймақ басшысының айтуынша, Мемлекет басшысының тапсырмасына сәйкес инвестициялық жобаларды әртараптандыру, кәсіпкерлікке қолайлы жағдай жасау және инвесторлардың құқығын қорғау бағытында кешенді жұмыс жүргізіліп келеді.
Нариман Төреғалиев кейінгі үш жылда Батыс Қазақстан облысының экономикасына 2,3 трлн теңге инвестиция тартылғанын жеткізді. Бұл көрсеткіш өңірдің өндірістік, инфрақұрылымдық және кәсіпкерлік әлеуетінің артып келе жатқанын айғақтайды. Сонымен қатар жаңа жобалардың жүзеге асуы жұмыс орындарын ашуға, тұрғындардың табысын арттыруға және облыстың әлеуметтік-экономикалық дамуына тың серпін бермек.
Форумның маңызды бөлігі инвесторлардың құқықтарын қорғау мәселесіне арналды. Бұл бағытта облыс әкімдігі мен прокуратура органдарының бірлескен жұмысы ерекше атап өтілді. Инвесторлар үшін ашық әрі қауіпсіз орта қалыптастыру, әкімшілік кедергілерді азайту және жобаларды сүйемелдеу – өңірдегі инвестициялық саясаттың басты міндеттерінің бірі ретінде белгіленді.
Жиын қорытындысы бойынша қалдықтарды өңдеу, энергетика, қонақ үй бизнесі және құс фабрикасын салу бағыттары бойынша ынтымақтастық жөніндегі бірқатар маңызды меморандумдарға қол қойылды. Сондай-ақ құрылыс, машина жасау, металлургия және туризм салаларының дамуына үлес қосқан компания басшылары арнайы марапаттарға ие болды.
«Өсу капиталы: аймақтың жаңа мүмкіндіктері» форумы Батыс Қазақстан облысының инвестиция тартудағы мүмкіндігі жоғары екенін көрсетіп қана қоймай, бизнес пен мемлекеттік органдар арасындағы сенімді әріптестікті нығайта түсті. Ал форум аясында ұсынылған жобалар алдағы уақытта өңір экономикасының дамуына, жаңа өндірістердің ашылуына және халықтың әл-ауқатын арттыруға ықпал етпек.
Ә.Бақытжанқызы
Соңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
