КіруЕрлікке тағзым, ұрпаққа аманат
Жеңіс күні қарсаңында Хадиша Бөкеева атындағы Батыс Қазақстан облыстық қазақ драма театры сахнасында ел жадында өшпес із қалдырған майдангер Сабаз Арыстановтың тағдырына арналған «Сабаз» деректі драмасы қойылды.
Қойылымның басты өзегі – сұрапыл соғыстың от-жалынынан аман өтіп, елге жеңіспен оралған жауынгердің тағдыр жолы. Архив деректеріне, тарихи құжаттарға сүйене отырып жазылған шығарма Қызыл Жұлдыз ордені, III дәрежелі Даңқ ордені мен «Ерлігі үшін» медалінің иегері Сабаз Арыстановтың өмір жолына арналған.
«Сабаз» пьесасының көрермені болған Батыс Қазақстан облысының әкімі Нариман Төреғалиев театр ұжымына ықылас гүлін табыс етіп, шығармашылық құрамның еңбегіне жоғары баға берді.
– Бүгін Сабаз ағамызға арналған қойылымды тамашаладық. Мен қателеспесем, үшінші рет көрсетіліп отыр. 2024 жылы алғаш көрерменге ұсынылған. Ол кезде қарбалас, қиын кез болды. Көргім келіп, бірақ қолым тимеді. Сабаз батыр туралы Мира Хамзақызының кітабын оқып шыққан болатынмын. Соғыста ерлікпен елін қорғаған Сабаз Арыстановтың майдандағы өмірін жазған автор мен театр ұжымына алғыс айтамын. Бір майдангер ағамыздың образы арқылы барлық елім, жерім деген аға-апаларымыздың бейнесін көрдік. Жастар ата-апалары батыр екенін өмір бойы естерінде сақтап жүретін болады, – деді өңір басшысы Н.Төреғалиев. Сондай-ақ өңір басшысы театр ғимаратының жөндеу жұмыстары жақында аяқталатыны жайлы жағымды жаңалықты хабарлады.
Пьесаның авторы – Мира Шүйіншәлиева кеш барысында сөз сөйлеп, қойылымның режиссері – Өнертану магистрі Алмат Шариповке, театр ұжымына ризашылығын білдірді.
«Зенит» Мәдениет үйінің сахнасында қойылған «Сабазды» Орал қаласының әкімі М.Байменов те көрерменмен бірге көрді. 8 мамыр күні театр С.Досановтың «Мәншүк» пьесасын көрерменге ұсынады.
«Сабаз» – өткенге тағзым ғана емес, бүгінгі жас ұрпақтың жүрегіне отансүйгіштік рух ұялататын, ерліктің ешқашан ұмытылмайтынын ұғындыратын тағылымды туынды.
Д. Талғатқызы
Версия для печати
Соңғы жаңалықтар
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
