КіруЖергілікті атқарушы органдар мен «КПО б.в.» компаниясы арасындағы өзара іс-қимыл пысықталды
«Ауыл аманаты» бағдарламасына қатысушы жергілікті тауар өндірушілердің 1 млрд теңгеден астам өнімі «КПО б.в.» компаниясына өткізілген. Бұл туралы аталған компания мен жергілікті атқарушы органдардың өзара іс-қимылы пысықталған кеңесте айтылды. Бөрлі ауданында өткен жиынға аймақ басшысы Нариман Төреғалиев, облыс прокуроры Нұрбек Ұласбекұлы, іргелі компанияның бас директоры Марко Марсили қатысты.
Облыс әкімі жергілікті қамтуды арттыру, өңір кәсіпкерлерін қолдау, әлеуметтік жобаларды сапалы әрі уақытылы орындау, жергілікті мамандарды даярлау, оқыту және жұмысқа орналастырудың маңызын атап өтті.
«КПО б.в.» компаниясының Бас директоры Марко Марсили мәлімдегендей, 2020 жылы 333 экспат болса, бүгінде бұл сан 2 есе кеміген. Алдағы 5 жылда шетелдік мамандар үлесін тағы 50 пайызға қысқарту жоспарларған. Сондай-ақ, Қарашығанақта жұмыс істейтін компаниялардың басым бөлігі өңір аумағында тіркеліп, жергілікті салық түсімі ұлғайды.
Облыс прокуроры Нұрбек Ұласбекұлы еңбек дауларының алдын алуға бағытталған меморандумның маңызына тоқталып, барлық тарапты жұмыстарды жауапкершілікпен жалғастыруға шақырды. Компания қоршаған ортаны қорғау шаралары бойынша жоспарды 2023 жылы 118 пайызға, 2024 жылы 112 пайызға орындаған.
Аймақ басшысы еңбек және экологиялық заңнамалардың сақталуына назар аудартты. Компанияны «Таза Қазақстан» тұжырымдамасын жүзеге асыруға атсалысуға шақырды. Ал «Ауыл аманаты» бағдарламасына қатысушыларын одан әрі қолдау мақсатында компания мердігерлері мен зәкірлік коооперациялар арасында келісімшарттар мерзімін ұзарту және өнім түрлерін кеңейтуге басымдық берді.
– Былтыр елордада өткен ауыл әкімдерінің форумында өңір делегаты облыс әкімдігі мен «КПО б.в.» компаниясы арасындағы меморандум жөнінде Президент алдында баяндады. Мемлекет басшысы бұл ынтымақтастықты оң бағалап, өзге өңірлерге үлгі ретінде айтты, – деді облыс әкімі.
Кеңесте заңнамалық және әлеуметтік жауапкершілік жан-жақты талқыланды. Облыс әкімі «КПО б.в.» компаниясымен әлеуметтік әріптестік жоғары деңгейде дами беретініне сенім білдірді.
БҚО әкімінің баспасөз қызметі
Соңғы жаңалықтар
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
