КіруБірлік күні игі істермен айшықталды
Батыс Қазақстан облысы Қазақстан халқы Ассамблеясының ұйымдастыруымен 1 мамыр – Қазақстан халқының бірлігі күніне орай Орал қаласындағы Тұңғыш Президент алаңында көгалдандыру жұмыстары өтті.
«Таза Қазақстан» экологиялық акциясы аясында ұйымдастырылған игі бастамаға «Қоғамдық келісім» КММ қызметкерлері, этномәдени бірлестіктер өкілдері, Ақсақалдар және Аналар кеңесінің мүшелері, Ассамблея жастары қатысты.
Игі бастамада бас қосқандар 50 түп көшет отырғызып, жасыл аймақты көркейтуге үлес қосты.
Айта кетейік, аталған аумақта бұған дейін де теректер мен қылқан жапырақты ағаштар өсіп тұрған. Енді олардың қатары толығып, саябақтың келбетін одан әрі ажарландыра түспек.
БҚО әкімдігі қоғамдық даму басқармасының «Қоғамдық келісім» КММ Қоғамдық бірлестіктермен жұмыс бөлімінің басшысы Гүлфарида Қасымқызы аталған шараның мәні терең екенін атап өтті.
– Бірлік күні облыстық Ассамблея өкілдері бір мақсатта, бір ниетте бас қосты. Бұл шара арқылы біз табиғатты көркейтуге үлес қосып қана қоймай, қоғамдағы татулық пен ауызбіршілікті де дәріптедік. Отырғызылған жас талдар – ортақ шаңырағымыздың беріктігін, достықтың тамыры терең екенін және келешек ұрпаққа деген ізгі аманатымызды білдіреді. Осындай игі бастамалар ел бірлігін нығайтып, туған жерге деген жанашырлықты арттыра түседі,- деді ол.
Бұл бастама Бірлік күнінің мазмұнын аша түсіп, мерекені нақты іспен ұштастырды. Көгалдандыру жұмыстары арқылы қатысушылар туған өлкені абаттандыруға ортақ үлес қосты. Ал саябаққа егілген көшеттер алдағы уақытта жасыл аймақтың көркін арттырып, көпшілікке жайлы орта қалыптастыруға сеп болмақ.
Ә.Бақытжанқызы
Соңғы жаңалықтар
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
