Кіру2026 жылы генеративті контент технологиялық эксперименттер санатынан біржола шығып, құқықтық реттеу нысанына айналды
Егер бұрын нейрожелі көмегімен жасалған кескіндер мен бейнелер зиянсыз цифрлық құрал ретінде қабылданса, бүгінде олар ақпараттық қауіп-қатер факторы ретінде қарастырылады.
Мемлекеттер жекелеген ескертулер беруден мұндай контентті жасау мен таратудың нақты ережелерін бекітуге көшуде.
Әлем елдері таңбаланбаған немесе адастырушы ЖИ-контентке мүлдем төзбеушілік танытуда:
Үндістан: Премьер-министр Модидің дипфейгін жасағаны үшін қамауға алу.
АҚШ: «Синтетикалық адамды» таңбалаусыз пайдаланғаны үшін жарнама агенттігіне $5,000 айыппұл салынды.
Түркия: Министрдің жалған мәлімдемесі бар ЖИ-бейне үшін порталға жылдық айналымның 5% мөлшерінде айыппұл салынды.
Оңтүстік Корея: ЖИ-сұхбатты белгілемегені үшін медиа компанияға 30 млн вон ($22,000) айыппұл салынды.
Қытай: Жүргізушілер арасында дүрбелең тудырған «жолдың опырылуы» туралы ЖИ-суреттер үшін блогердің ұсталуы.
Германия: Сот шешімі: сатиралық сипат ЖИ-туындыларды таңбалау міндетінен босатпайды.
БАӘ: Қоғамды адастыруға және ұлттық қауіпсіздікке нұқсан келтіруге бағытталған ЖИ бейнелерін таратқаны үшін ұстау шаралары жүргізілді.
Ұлыбритания: Келісімсіз дипфейк жасауға тыйым салатын жаңа заң бойынша алғашқы талап-арыздар (2026 жылғы ақпан).
Пәкістан: Әскерилердің атынан жасалған «үкіметті сынау» ЖИ-аудиожазбасы үшін кибертерроризм бабымен қозғалған іс.
Канада: Митингілерге себеп болған «ғимараттың құлауы» ЖИ- рендері үшін айыппұл салынды.
Франция: «Версальдағы тәртіпсіздіктердің» ЖИ-фотосуреттерін жасап, таратқаны үшін интернет-ресурс бұғатталды.
Италия: «Болмыста жоқ ескерткіштердің» ЖИ-кескіндерін пайдаланған туристік агенттікке қарсы талап-арыз.
Жапония: Марқұм актердің ЖИ-көшірмесін барлық мұрагерлердің келісімінсіз пайдалану бойынша сот талқылауы.
Сингапур: «Шығанақтың ластануы» туралы ЖИ-кескіндер үшін жалған ақпаратқа қарсы іс-қимыл заңнамасы шеңберіндегі нұсқама.
Австралия: Профессордың ЖИ-клонын оның келісімінсіз пайдаланған онлайн-курс ұйымдастырушыларына айыппұл салынды.
Аргентина: Полицияға қарсы зорлық-зомбылыққа шақырған дипфейк жасағаны үшін ұстау.
Эстония: Мемлекеттік органдардың жауап беру стилін имитациялаған бот иесіне ресми ескерту жасалды.
Қазақстанда да ЖИ саласы енді «реттелмейтін аймақ» емес. Керісінше, оны қолдану салдары, ең алдымен, аудиторияны адастыру қаупі тұрғысынан қарастырылады.
2026 жылдың 17 наурызында Семей қаласының тұрғыны нейрожелі жасаған фотосуретті таратқаны үшін жауапқа тартылды. Генерацияланған кескін төтенше жағдай туралы шынайы хабарлама ретінде ұсынылып, әлеуметтік желілерде дүрбелең тудырған. Нәтижесінде – ҚР ӘҚБтК-нің 456-2-бабы (жалған ақпарат тарату) бойынша хаттама толтырылды.
‼ Жалған ақпаратқа қарсы іс-қимыл орталығы медиа өкілдері мен цифрлық контент жасаушыларға заңнама талаптарын қатаң сақтауды, соның ішінде ЖИ-контентті міндетті түрде таңбалауды және жалған ақпараттың таралуына жол бермеуді ескертеді.
Азаматтарға таратылатын материалдарға сын көзбен қарап, дереккөздерін тексеріп, олардың дұрыстығына көз жеткізбей, әрі қарай таратпауға кеңес беріледі.
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
