Кіру«Ризық» кафесін жалға алушы бес жылға сотталды
Орал қаласындағы «Ризық» дәмханасында болған алапат жарылысқа қатысты сот үкімі шықты. Жауап беруші ретінде осы ғимаратты жалға алған 34 жастағы Меңдібек Уәлиев айыпты деп танылды.
Оған өрт қауіпсіздігін сақтамағаны үшін «Екі және одан да көп адамның өліміне себепкер болды» деген баппен айып тағылып отыр. Күдікті қаңтар айынан бері уақытша қамау абақтысында. Қаңтардың 4-і күні түнде екі қабатты дәмханада қатты жарылыс болған. Ғимараттың күл-талқаны шықты.
Құтқарушыларға үйіндіні қопарып шығуға 16 сағат уақыт кетті. Үш адам мерт болып, төрт адамның денесі күйіп, түрлі жарақат алды. Сот үкімі жеті айдан соң оқылды. Меңдібек Уәлиев 5 жылға бас бостандығынан айырылды.
– Меңдібек Уәлиев 34 жаста. Ол ҚР ҚК 292-бабының 3-бөлігі бойынша «Екі немесе одан да көп адамның абайсызда өліміне әкеп соққан өрт қауіпсіздігі талаптарын бұзу» бойынша кінәлі деп танылды. Ол ең төменгі қауіпсіздік қылмыстық-атқару жүйесі мекемесінде жазасын өтей отырып, үш жыл мерзімге кәсіпорындарда әкімшілік-шаруашылық және ұйымдастырушылық-өкімдік қызметпен байланысты басшы лауазымдарды атқару құқығынан айыра отырып, бес жылға бас бостандығынан айыру түріндегі жаза тағайындады. Сонымен қатар, кінәлі үш жәбірленушіге жалпы сомасы 20 миллион теңгеге жуық материалдық және моральдық залал төлеуі тиіс,- деді
қалалық сот судьясы Варвара Дмитриенко. Сот үкімі заңды күшіне енген жоқ.
Айнара ИСА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
