КіруҰлт тарихы жаңа кітаптармен толықты
Бүгін «Атамекен» өнер ордасының кең залында республикамызға танымал ғалым, өлке тарихының бәйтерегі, М. Өтемісов атындағы Батыс Қазақстан университетінің ҚР Ұлттық ғылым академиясының құрметті академигі Тұяқбай Рысбековтің таяуда жарық көрген таңдамалы шығармалар топтамасының, кезекті томдарының тұсаукесер рәсімі өтіп, өз мәресіне жетті. Батыс Қазақстан облысының әкімі Нариман Төреғалиев қатысып, тағылымды жиында құттықтау сөз сөйледі. Аты елге танымал Тұяқбай Зейітұлының зеректігін, егеменді ел тарихына қосқан сүбелі үлесін, зейнеткерлікке шықса да том-том кітаптар жазып, үнемі ізденетін, көп оқитын, көп білетін талантты ғалым екеніне ерекше екпін түсірді. Көптеген мекеме басшылары, зиялы қауым, өлкедегі оқу орындарының төраға-ректорлары, оқытушылар тб. бас қосқан шарада Т. Рысбековтің баспаханадан шыққан тың туындыларының тұсауы кесілді. Бұл құрметке сыйлы мейман-өңір басшысы Н. Төреғалиев, филология ғылымдарының докторы Мұрат Сабыр және Жәңгір хан атындағы БҚАТУ басқарма төрағасы-ректоры, профессор Асқар Наметов, М. Өтемісов атындағы БҚУ- нің проректоры,ғылым кандидаты Қажымұрат Ахмеденовтер ие болды. Ғалымдар Мұрат Сабыр, Әсет Тасмағамбетов, Самат Құрманалин, Мұрат Қалменовтер Т. Зейітұлының қалыңдығы кірпіштей 7- томдық таңдамалы шығармаларына тоқталып, тұщымды баяндамалар жасады.
Оралдағы «Полиграфсервис» баспаханасынан жарық көрген рухани дүниелердің ішінде автордың 6-шы томы «Батыс Қазақстанның өнер және ғылым жұлдыздары» деп аталады. Осы еңбек туралы филология ғылымдарының докторы Мұрат Сабыр сараптама жасап:
– Тұсауы кесіліп отырған екі томдық және Батыс Қазақстан облысының тарихы туралы еңбектері тәжірибелі ғалымның ұзақ жылдарға созылған ғылыми ізденістерінің қорытылып-екшеленген, әбден жүйеленіп-сараланған жемісі. Өйткені, Т. Рысбеков жай не әуесқой тарихшы емес, кәнігі кәсіби тарихшы, – деді.
Шара соңында сөз алған Тұяқбай Рысбеков қауырт жұмысына қарамастан, алтын уақытын осы шараға да арнаған облыс әкіміне және барша қонақтарға ризашылығын білдірді. Ғылым жолында талмай іздене беретінін айтты. Зиялы қауым атынан сөз алған ардагер-журналист Тихон Әліпқали, тарихшы – ұстаз Қамида Қожабергеновалар Ақ Жайық төрінде Тұяқбайдай ұлт мақтанышымен мақтанатындарын, өскелең ұрпақ бүгін тұсауы кесілген дүниені оқып, тағылымды тәрбие алатынын айтып, авторды жаңа кітаптарымен құттықтады.
Өз тілшіміз.
Версия для печатиСоңғы жаңалықтар
ОТАНДЫҚ ӨНДІРІСТІ ДАМЫТУ – ЭКОНОМИКАЛЫҚ ӨСІМНІҢ МАҢЫЗДЫ КЕПІЛІ
ТАСҚАЛА АУДАНЫНДА «ӘДІЛЕТ» ПАРТИЯСЫНЫҢ ӨКІЛДЕРІ ТҰРҒЫНДАРМЕН КЕЗДЕСТІ
ӨНДІРІСТЕН РУХАНИЯТҚА ДЕЙІН: ӘДІЛЕТ ПАРТИЯСЫ ӨКІЛДЕРІ ЖАҢАҚАЛАЛЫҚТАРМЕН ЖҮЗДЕСТІ
«ӘДІЛЕТ» ПАРТИЯСЫНЫҢ САЙЛАУАЛДЫ БАҒДАРЛАМАСЫ КАЗТАЛОВ ЖҰРТШЫЛЫҒЫМЕН ТАЛҚЫЛАНДЫ
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Пікір үстеу