КіруКөңілді мұңайтқан қойылым
Тәуелсіздік күніне орай, Жастар шығармашылығы орталығында Серік Асылбековтың «Желтоқсан түні» спектаклі сахналанды. Халық назарына ұсынылған қойылымды Жастар сарайы жанынан ашылған «Ғасыр» жастар театрының жас актерлары сомдады. Қойылылым 1986 жылғы желтоқсанда алаңға шыққан 24 жастағы жүкті келіншек пен 21 жастағы студент Қайсардың сол маңда тұратын тарихшы Баймырзаның үйіне кіріп кетуімен басталады. Әрі қарай оқиға желісі баяндалып, өрби келе зооветеринария институтының профессоры Тимур Қалдыбайұлының билігін аса пайдаланып, Қайсарға қоқан-лоқы көрсетуімен жалғасады. Сондай-ақ, Баймырза ағайдың көршісі Мария Петровна да жиі келгіштеп, желтоқсан оқиғасы туралы әдейі сөзге тартып, студенттерге күмәнмен қарап, ұлтшылдар деген бағытта әңгіме өрбітеді. Оқиға соңында Тимур Қалдыбайұлы желтоқсаншы, жігерлі жас Қайсарды соттауға дейін апарады. Осы тұста көрермен қауым мұңайып, жазықсыз жанды аяп кетеді. Бұл қойылым сол кездегі алаңға шыққан қазақтың қыз-жігіттерінің ел тәуелсіздігі үшін күрескенін паш етеді. Қойылым соңында облыс әкімінің орынбасары Бақытжан Нарымбетов аталмыш спектакль өнерсүйер қауымға ерекше әсер еткенін атап өтіп, облыс әкімінің атынан ықылас гүлін тарту етті.
Гүлжан АЯЗБАЕВА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу