КіруМемлекеттік қызметшілер Тіл байқауында!
Кеше Қадыр Мырза Әли атындағы мәдениет және өнер орталығында «Мемлекеттік тіл-менің тілім» атты облыстық байқау өз мәресіне жетті.
Орал қаласының мәдениет және тілдерді дамыту бөлімінің ұйымдастыруымен және ҚР Мемлекеттік қызмет істері агенттігінің Батыс Қазақстан облысы бойынша департаментінің қолдауымен Ұлт көсемі Ахмет Байтұрсынұлының туғанына 150 жыл толуына орай өткен дәстүрлі байқаудың басты мақсаты мемлекеттік тіл саясатын арттырып, рухты көтеру болатын. Алдымен дәстүрлі байқауға 24 мемлекеттік қызметшіден өтінім түсті. Доданың 1-іріктеу кезеңі онлайн түрінде үміткерлер «Мемлекеттік тіл – мемлекеттік қызметте» тақырыбында эссе жазды. Бұл жұмыстарын арнайы құрылған сарапшы топ қарап, 18 жұмысты екінші кезеңге жолдады.
Байқаудың 2-кезеңінде қатысушылар өзін жан-жақты таныстыратын бейневизитка дайындады. Нәтижесінде он төрті үшінші кезеңнің ашық байқауына жолдама алды. Олар: БҚО Полиция департаментінің, мамандандырылған ауданаралық экономикалық соты мен Шыңғырлау аудандық соты кеңсесінің және БҚО мәдениет басқармасы, жұмыспен қамтуды үйлестіру және әлеуметтік бағдарламалар басқармасы, Ақжайық, Бөрлі, Қаратөбе, Сырым, Шыңғырлау аудандарының мемлекеттік қызметшілері болатын.
Сонымен, Қадыр ақынның орталығында 27-мамырда өткен қортынды сайысқа қазылық жасаған облыстық тілдерді дамыту басқармасының басшысы Е.Галиев, Халықаралық «Қазақ тілі» қоғамының БҚО филиалының төрағасы Б.Жексенғалиев, ҚР Мемлекеттік қызмет істері Агенттігінің БҚО бойынша департаментінің басқарма басшысы В. Масимова, Орал қалалық «Жайық үні-Жизнь города» газетінің редакторы, жазушы М.Шүйіншалиева және «Тіл мұра» қоғамдық қозғалысы төрағасының орынбасары И.Суетиналар тіл додасын әділ бағалады.
Байқау қатысушылары әр кезеңде балдық жүйемен бағаланып, жеңімпаздар арнайы сыйлықтармен және алғыс хаттармен марапатталды.
Бас жүлдені Бөрлі ауданы Жарсуат ауылдық округі әкімі аппаратының бас маманы Серік Асхат Сағынбайұлы жеңіп алды.
Жүлделі 1-орынды БҚО Қаратөбе ауданы Қаратөбе ауылдық округі әкімінің аппаратының бас маманы Қанафин Әлібек Есенжанұлы иеленді. 2-орынды БҚО мәдениет басқармасының бас маманы Рамазанов Ақжол Қайырбекұлы, жүлделі 3-орынды Бөрлі ауданының мәдениет және тілдерді дамыту бөлімінің бас маманы Исмагулова Бұлбұл қаңжығасына байлады
Сайыскерлерге марапаттарын табыстаған аға-апалар ақ жол тілеп, өз ой-пікірлерін айтты. Біз барша жеңімпаздарды жүлделерімен құттықтаймыз.
Нұрай ҚАЙЫРОВА.
Соңғы жаңалықтар
Президенттің Жарлығы жарияланды – Қазақстан Халық Кеңесіне еліміздің 126 азаматы кірді
Елге қызмет еткен тұлғаға құрмет: Мұстақым Ықсановтың 100 жылдығы аталып өтті
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
Пікір үстеу