КіруҰЛТ ҰРПАҒЫ ЖОЛЫНДАҒЫ ЕҢБЕГІ ЕРЕН
Қашан болмасын оқытушыдан да, оқушыдан да шығармашылық пен ізденіс нышаны байқалып, алға ұмтылыс пен тынымсыз әрекет, жемісті еңбек сезілсе, бұл – шәкірт үшін үлкен жетістік, ұстаз үшін таптырмас бақыт. Міне, осындай таптырмас бақыттың иесі, көшбасшы ұстаз Гүлжихан Үмбетқызы – Ә.Молдағұлова атындағы №38 мектеп-лицейінің мақтанышы.
Бүгінде Гүлжихан Үмбетқызы республикалық оқулықтың эксперті, «Өлкетану» оқулығының авторы, облыс көлемінде көптеген авторлық бағдарламалары мен іс-тәжірибесімен бөлісіп келеді. «Оқушыларды олимпиадаға дайындау әдістері», «Эссе жазу және оның әдістері» тақырыбындағы шеберлік сағаттарына облысымыздың түкпір-түкпірінен мұғалімдер қатысып, тәлім алуда.
Әр мұғалімнің алдындағы сәулетті мұраты – өз пәнінен білім беріп қана қоймай, әр баланың «менін» ашу, сол «менді» шығармашылық тұлғаға жетелеу. Осы жолда шабытына шабыт қосатын ұстаздың әр еңбегінің құндылығы, сыры, міне, осында. Білгір ұстаздардың еңбектері – ізбасар әріптестері үшін таптырмас қазына іспеттес. Сабақтың сапалы өтуі мен жүргізілу үлгісінен бастап, дидактикалық материалдары, түрлі үлгідегі сыныптан тыс жұмыстары бір төбе. Жанында жүрген мен сияқты қалыптасу жолындағы жас мұғалімдерге әрдайым «шығармашылық идея керек», «оқушыға жеңіл де ұтымды әдіспен үйретіңіздер», «ескіліктен арылып, жаңашылдыққа ұмтылыңыздар», «әдебиет сабағында мұғалімге жүрек керек» деген әрбір сөзі жас маманның сауырына қамшы салғандай әсер қалдырып, намысқа тырысады.
Ұлағатты ұстазға жолыққан талантты шәкірттердің жұлдызы жарқырай түсетіні, білікті маманнан тәлім алған жас маманның биікке шығары даусыз. Абай Құнанбайұлының сөзімен айтсақ: «Парасаттылықтың мәні – ыстық қайрат, нұрлы ақыл, жылы жүрек, білім оның ішкі нәрі, сыртқы шырайы және әрі». Міне, осы парасаттылықтан бастау алған Гүлжихан Үмбетқызының «әдебиет» атты алып мұхиттың түбінен құнды жауһар іздеген сан мыңдаған шәкірттері мен әріптестері үшін орны ерекше. «Дарынды баланы жақсы мұғалім ғана іздеп таба алады» дейтін Гүлжихан апай шәкірт бойындағы ерекше қасиетті танып-біліп әрі қарай ұштайды, жас тәлім алушыларды оқушы бойындағы ерекше қасиетті таба білуге үйретеді.
Ұстаздың оқушыны олимпиадаға дайындау жолдары, ғылыми-зерттеу жұмысын жазудағы ерекшеліктер, оқушыны шығармашылық байқауға әзірлеудің тиімді әдістері жыл сайын көпшілік сұранысына ие. Ұзақ жылдар бойы ұстаздық жолда қарымды қадаммен талмай еңбек етіп келе жатқан ұстаз Гүлжихан Үмбетқызының шәкірттері түрлі додалардың жүлдегерлері. Мектеп-лицейіміз ашылған 2010-2011 оқу жылынан бастаған лицей түлектері Г.Байғабылова, С.Наурызбай, Е.Ақкереев салған жолмен А.Жасқайратова, Г.Қылышбай, М.Жанұзақов, Ә.Бектас, Е.Мыңжасова даңғыл жолды жалғай түсті. Олардың ізбасарлары республикалық оқулардың, ғылыми жобалардың бас жүлдегерлері Е.Төлеген пен О.Зағыпар, республикалық олимпиаданың «Алтын медаль» иегері Д.Ерғалиқызы, республикалық педагогикалық олимпиаданың жүлдегерлері М.Баймұрат пен Қ.Уәлиев сынды оқушылар ұстаз еңбегінің жемісі. Алдындағы әр шәкірттің қиялына қанат бітіріп, алыс армандарға жетуге асықтыра түсетінін байқауға болады. Гүлжихан апайда ақындық шабыт та, ғылыми талдау да, ойын бейнелей, көркемдей жеткізер шешен тілде, көркем шығарманы көз алдыңа елестетер суреткерлік те астасып жатады.
Әдебиет әлеміне ерекше үн қосып, оның дамуы мен гүлденуі жолында талмай қызмет етіп келе жатқан дарынды педагог, жаңашыл, ізденімпаз әдіскердің ұлт ұрпағы жолындағы еңбегі ерен.
Ләззат Құсайынова, Ә.Молдағұлова атындағы №38 мектеп-лицейінің мұғалімі
Версия для печатиСоңғы жаңалықтар
Оралда ер адам банкоматтың купюра салатын ұяшығындағы өзгенің ақшасын алып кеткен
Оралда Дүниежүзілік тазалық күніне орай жалпықалалық сенбілік өтті
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Пікір үстеу