Кіру11,7 мың гектар алқапта су үнемдеу технологиялары қолданылды
Облыс әкімдігінде Жайық-Каспий бассейндік су инспекциясының басшысы Ғалидолла Азидуллиннің төрағалығымен бассейндік кеңестің кезекті отырысы өтті. Жиынға аймақ басшысының орынбасары Қалияр Айтмұхамбетов қатысты.
Күн тәртібінде Жайық, Қараөзен, Сарыөзен және Қиғаш өзендерінде көктемгі су тасқыны кезеңінің өту барысы, су ресурстарын қорғау және пайдалану жөніндегі бассейндік жоспар, ауыл шаруашылығы қажеттіліктері үшін су пайдалану лимиттері қаралды.
Облыс әкімінің орынбасары Қалияр Айтмұхамбетов суармалы жер көлемі кезең-кезеңімен ұлғайтылып жатқанын жеткізді. Былтыр өңірде тұрақты суарылған алқап көлемі 12,4 мың гектарды құрады. Оның 6,7 мың гектарына мал азықтық, ал 2,5 мың гектарына дәнді дақылдар және 3,1 мың гектарына картоп, көкөніс пен бақша дақылдары егілді. 2026 жылы су үнемдеу технологияларын пайдалану арқылы 12,1 мың га алқапты суару жоспарланды.
Салалық министрліктің нормативтік құжаты мен тиісті бұйрыққа сәйкес облысқа ауыл шаруашылығы жерлерін суару үшін 2026 жылы 35 млн текше метр пайдалану лимиті бекітілген. Алайда саладағы жалпы өнім көлемін арттыруға бағытталған өңірлік жоспарды орындау үшін бұл лимит аздық етеді. Осыған орай облыс әкімінің орынбасары бассейндік кеңеске су пайдалану үшін рұқсат етілген көлемді қайта нақтылау туралы ұсыныс берді.
Консультативтік-кеңесші орган отырысының қорытындысы бойынша су ресурстарын үнемдеу, оларды бөлу және тиімді пайдалану тетіктерін жетілдіру жөнінде ұсынымдар енгізілді.
БҚО әкімінің баспасөз қызметі
Соңғы жаңалықтар
Тарихи оқиға – Маңғыстаудың киелі орындары ЮНЕСКО-ның бүкіләлемдік мұралар тізіміне ресми түрде енгізілді
Киберспорттың әлемдік жұлдыздары «Болашақ ойындары 2026» турниріне қатысу үшін Астанаға келуде
Сақ болыңыз: сайлау қарсаңындағы анонимді сауалнамалар – әлеуметтанулық зерттеу емес, ықпал ету құралы
Жаңақала ауданында ардагерлер мен жастар арасында сыбайлас жемқорлыққа қарсы пікірталас өтті
Жаңақала ауданында мемлекеттік қызметшілердің басқарушылық дағдыларын дамытуға бағытталған іс-шара өтті
Ақжайық ауданында жастар арасында адалдық пен жауапкершілік құндылықтары талқыланды
Ақжайық ауданында мемлекеттік қызметшілер арасында «Не? Қайда? Қашан?» зияткерлік ойыны өтті
Казахстан развивает ядерные технологии не только в энергетике, но и в медицине, промышленности, экологии и науке
«Донат» үшін ойдан құрастырылған оқиға бас бостандығынан айыру жазасымен аяқталды
Ақша табу үшін Threads желісінде әскердегі зорлық-зомбылық туралы жалған ақпарат таратқан 23 жастағы астаналық сотталды
Құрылтай сайлауы өткен соң, 145 депутат заң шығарушы органға 5 жылға жайғасады
Қазақстандағы конституциялық реформа және мемлекеттік қызметтің жаңа мәдениеті
