Ақжайық шағын ауданын кешенді дамыту жұмыстары жалғасуда
Орал қаласының жаңа аумақтарын кешенді дамыту бағытындағы жұмыстар жалғасуда. Соның бірі – тұрғын үй құрылысы мен әлеуметтік нысандарды қатар дамыту көзделген Ақжайық шағын ауданы.

Орал қаласы әкімінің орынбасары Жандос Дүйсенғалиев жауапты бөлім мамандарымен бірге шағын ауданға барып, мұндағы тұрғын үй құрылысының қазіргі жағдайын және инфрақұрылымдық нысандардың іске асырылу барысын зерделеді.
Ақжайық шағын ауданында 5 қабатты көппәтерлі тұрғын үйлер салуға арналған 12 жер учаскесі белгіленген. Бүгінде оның 9-ы бойынша құрылыс салушылар анықталып, бірқатар нысандарда құрылыс-монтаждау жұмыстары жүргізілуде.
Жұмыс барысында тұрғын үйлердің құрылыс қарқыны, жобалардың белгіленген мерзімде орындалуы және құрылыс сапасы қаралды. Сонымен қатар нысандарда техникалық қадағалаудың ұйымдастырылуы, құрылыс жұмыстарының белгіленген талаптарға сәйкестігі және жобалық-сметалық құжаттамалардың сараптамадан өту мәселелеріне назар аударылды.
Шағын ауданның дамуында тұрғын үймен қатар әлеуметтік инфрақұрылымға да басымдық берілуде. Атап айтқанда, кіреберіс аумақта 250 орынға арналған емхана құрылысы жүргізіліп жатыр. Нысанның құрылыс жұмыстарын «Тасқала ТрансГаз» мердігер ұйымы атқаруда.
Ақжайық шағын ауданында тұрғын үйлер мен әлеуметтік нысандардың қатар бой көтеруі жаңа аумақтың инфрақұрылымын қалыптастыруға және тұрғындарға қажетті қызметтерді қолжетімді етуге бағытталған.
Жауапты бөлімдер тарапынан құрылыс нысандарының орындалу барысы тұрақты бақылауда ұсталып, анықталған мәселелер бойынша мердігер ұйымдарға тиісті тапсырмалар берілуде.

Соңғы жаңалықтар
КӘСІПКЕРЛІКТЕГІ АДАЛ БӘСЕКЕ – ЗАҢ ТАЛАПТАРЫН САҚТАУДАН БАСТАЛАДЫ
ЕГІНДІКӨЛДІКТЕР ЖОЛ МЕН ӘЛЕУМЕТТІК НЫСАНДАР МӘСЕЛЕСІН ҚОЗҒАДЫ
Конституция және жергілікті басқару: халық мүддесіне бағытталған шешімдер
Қоғамдық сенім мен ашықтық – тиімді мемлекеттік басқарудың негізі
Әлеуметтік әділеттілік – конституциялық қағидаттардың өмірдегі көрінісі
Қарашығанақ кен орнында өндірістік қуаттарды кеңейту жөніндегі ауқымды жоба аяқталды
«ӘДІЛЕТ» ПАРТИЯСЫНЫҢ ШТАБ ӨКІЛДЕРІ «ҚАЗАҚТЕЛЕКОМ» ҰЖЫМЫМЕН КЕЗДЕСТІ
Қазақстанда АЭС құрылысы аясында Үлкен ауылын кешенді дамыту жоспарлануда.
«ТАЗА ҚАЗАҚСТАН»: ЭКОЛОГИЯЛЫҚ САНАНЫ ҚАЛЫПТАСТЫРУҒА БАҒЫТТАЛҒАН ЭКОКУИЗ ӨТТІ
Жастар және жаңа Конституция: болашаққа бағытталған мүмкіндіктер

Кіру