Кіру«7-20-25» БАҒДАРЛАМАСЫНЫҢ ШАРТТАРЫ ӨЗГЕРДІ
Ұлттық банк «7-20-25» бағдарламасының талаптарына өзгерістер енгізіп, оның мүмкіндіктерін кеңейтті. Бұл туралы «Баспана» Ипотекалық ұйымы хабарлады.
Бүгінде қарыз алушының қалауы бойынша тұрғын үй құнының 20 пайызынан артық соманы бастапқы жарна ретінде төлеуге рұқсат беріледі. Оның нәтижесінде негізгі борыш сомасы азайып, банктердің қарыз алушының төлем қабілеттілігіне қоятын талаптары төмендетіледі.
«Бұрынғы талап бойынша бекітілген бастапқы жарнаның тұрақты мөлшері қолында 20%-дан артық сомасы бар клиенттерге біраз қолайсыздықтар туғызғаны рас. Ал қазір азаматтар бастапқы жарнаны көбейту арқылы ипотеканы мақұлдау мүмкіндігін арттыра алады. Сонымен бірге, банктер үшін кредиттік тәуекелдер де төмендейді. «7-20-25» бағдарламасы уақыт талаптарына сай, қазақстандықтардың қалауын ескере отырып жаңаруда», – делінген хабарламада.
«7-20-25» бағдарламасына қатысушы банктер тиісті дайындық жұмыстарын жүргізуде.
АҚПАРАТ КӨЗІ: BAQ.KZ.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу