Кіру56 отбасы баспаналы болды.
Бүгін, шілденің 22-сі күні су тасқыны салдарынан жалғыз баспанасынан айрылған 56 саяжай тұрғынына салтанатты түрде жаңа пәтердің кілті берілді. Жиында сөз сөйлеген облыс әкімінің орынбасары Бақытжан Нарымбетов:-Құрметті жерлестер, қала тұрғындары! Баршаңызға белгілі Мемлекет басшысы су тасқыны кезінде өңірімізге келіп, зардап шеккендердің барлығына көмек көрсетілетіні туралы айтты. Міне, бүгін қиын жағдайға тап болған тұрғындардың қуанышын бөліскелі келдік. Орал қаласының ортасындағы «Азимут» тұрғын-үй кешенінен жаңа қоныстың кілтін табыстаймыз. Шаңырақтарың қуанышқа толып, елім деп еміреніп жүретін азаматтар осы үйде дүниеге келсін! Мұнда барлығы абаттандырылып, тастан салынған. Жаңа баспаналарыңыз құтты болсын!-деді.
Бұдан соң Бақытжан Хаберұлы мен «Астана моторс» компаниясының басқарушы директоры Мәди Өтешов 56 отбасына үйдің кілтін табыстады.
Гүлжан АЯЗБАЕВА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
