Кіру«Мектебім, саған мың алғыс!»
Бүгін, мамырдың 25-і күні Орал қаласындағы Хиуаз Доспанова атындағы №30 ЖОББ мектебінде соңғы қоңырау салтанатты жиыны өтті.
Жиында сөз сөйлеген аталмыш мектептің директоры Дарья Қабдуллиева: – Құрметті ұстаздар, ата-аналар, қонақтар, мектеп түлектері, сіздерді тағы бір оқу жылының сәтті аяқталуымен құттықтаймын! Білімді шәкірттерін аялаған, жас ұрпақтың жанашыры болған ұстаздар ұжымына ризашылығымды білдіремін!
Қымбатты жас түлектер, жаңа өмірге бастаған қадамдарыңызға сәт сапар, келешектеріңіз жарқын болып, ҰБТ-дан сүрінбей өтулеріңізге сенімдімін, – деді Дарья Хайроллақызы.
Бұдан соң қала әкімінің орынбасары Арсен Ғұбашев, қалалық білім беру бөлімінің басшысы Ақжарқын Темірханова,«АMANAT» партиясының атынан БҚО мәслихатының депутаты, София Ізмұхамбетова жүрекжарды тілектерін жеткізіп, мектеп түлектеріне ақ жол тіледі.
Сондай-ақ 11«б» сынып жеттекшісі Дана Махамбетова, түлектердің ата-аналары атынан Бақыт Мырзахметова лебіздерін айтып, жүректері лүпіл қаққан мектеп бітірушілерге әрдайым да білімдеріңмен, жақсы істеріңмен қуантып жүріңдер деген ақ тілектерін арнады.
Одан әрі 11-сынып оқушылары
Дильназ Әкетай, Аяна Абдрахманова, Райхан Сатыбалдиева ұстаздарына деген тілектерін үш тілде айтқан өлеңдерімен жеткізді.
Салтанатты жиында қалалық олимпиала жүлдегері Әмір Бердібек,«Алтын белгіге» үміткер Мерей Бақтығалиева болашаққа барар мектеп кілтін мектеп директоры Дарья Хайроллақызына табыстады.
Жиынның соңы түлектердің «Мектеп вальсіне» ұласты.
Гүлжан Серікқызы
(Соңғы қоңырау салтанаты туралы толық нұсқасын «Жайық үні» газетінің №22 санынан оқи аласыздар)
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
