КіруЕлімнің бақытын тербеткен Тәуелсіздік
Желтоқсанның 15-сі күні қалалық әкімдіктің кіші залында қала әкімі Миржан Сатқанов өңіріміздегі желтоқсан оқиғасының куәгерлерімен кездесті.
Басқосуда сөз сөйлеген шаһар басшысы Миржан Мұнайдарұлы: – Сіздерді қастерлі Тәуелсіздік күнімен шын жүректен құттықтаймын! Еліміздің егеменді жолында бастарын бәйгеге тіккен Желтоқсан оқиғасына қатысушылардың ерлігі уақыт өткен сайын жадымызда жаңғырды. Бүгінде түрлі салада қызмет атқарып, қаламыздың өсіп-өркендеуіне өзіндік үлес қосып келесіздер. Дендеріңізге саулық, күш-қуат тілеймін! – деп барлық желтоқсаншыларға Алғыс хат табыстады.
Бұдан кейін жүздесуге қатысқандар өздерін толғандырып жүрген мәселелер туралы ой-пікірлерін айтып, ұсыныс-тілектерін жеткізді. Сондай-ақ Тәуелсіздік мерекесі қарсаңында сый-құрмет көрсеткен қала әкіміне ризашылықтарын білдірді. Желтоқсанның ызғары талайларды«тоңдырды», талай тағдырды талқандап, жанына жазылмайтын жара салды деп тарқасты.
Гүлжан АЯЗБАЕВА
Бұл басқосу туралы«Жайық үні» газетінің келесі санынан толық оқи аласыздар
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Блогерлер мен БАҚ беттерінде құмар ойындарды жарнамалауға тыйым салынбақ
