КіруШеберлік қырлары ашылған талантты жандар
Бүгін, қазанның 19-күні «Атамекен» өнер ордасында БҚО мүгедектігі ерікті қоғамы қоғамдық бірлестігіне 35 жыл толуына орай облыстық қайырымдылық айлығы аясында XXV шығармашылық облыстық фестиваль болды.
Шара басталмас бұрын жиналған көрермен 12 ауданнан келген арнаулы әлеуметтік мекемесінің қолөнер шеберлерінің көрмесін тамашалады. Салтанатты шарада сөз сөйлеген облыс әкімінің орынбасары Бақытжан Нарымбетов: – 1 қазаннан бастап бастау алған мейірбандық айлығымен құттықтаймын! Аталмыш айлық аясында қариялар, әлеуметтік осал топтардағы және белсенді азаматтармен біркелкі жұмыстар жоспарланып, жүзеге асты. Соның бірі де, бірегейі – жиырма бесінші рет өткізіліп отырған шығармашылық фестиваль болатын. Еліміз өркендеп, барлық қиындықтан сүрінбей өте беріңіздер,-деген Бақытжан Хаберұлы әр ауданда «Үздік жасампаз»,«Аспапта ойнау»,«Эстрадалық вокал» номинация бойынша жүлдегерлерге Алғыс хат табыстады.
Бұдан кейін фестивальға қатысушылар залды ән мен күйге бөлеп, тыңдаушылардың ыстық ықыласына бөленді. Шара соңында облыстық мүгедектігі ерікті қоғамы қоғамдық бірлестігінің басшысы Жұмажан Қожжанов барлық қатысушыларға алғысын айтып, фестивальға үлесін қосқан жандарды Алғыс хатпен марапаттады.
Гүлжан СЕРІКҚЫЗЫ.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
