КіруТәжік-Ауған шекарасында қаза тапқандарға арналды
Бүгін, 7 мамыр күні Дина Нұрпейісова скверінде Тәжік-Ауған шекарасында қаза тапқан жауынгерлерге арналған кіші архитектуралық формадағы ескерткіштің ашылу салтанаты өтті.
«Зан-Шан» клубының бүлдіршіндері өнерлерін көрсетті. Ел үшін ерен еңбек еткен ардагерлерді еске алу үшін бір минуттық үнсіздік жарияланды. Ескерткішті ашу және гүл шоқтарын қою рәсімі қала әкімі Миржан Сатқанов пен облыстық Тәжік-Ауған шекарасындағы ұрыс қимылдар мен әскери қақтығыстар ардагерлері одағының төрағасы Әлішер Ашурматовқа берілді.
– Баршаңызға мәлім, 1992-1993 жылдары Тәжік-Ауған шекарасында соғыс болып, оған біздің қазақстандық жауынгерлер де қатысты. Батыс Қазақстан облысынан 350 жауынгер бұл соғысқа барып келді. Қазіргі таңда Орал өңірінде 128 ардагеріміз бейбіт күннің мерейін көруде. Белсенді ардагерлердің арқасында бүгінде осы ескерткіш ашылып отыр. Ұрпағымыз елді, жерді сүюдің не екенін осындай батыр тұлғаларымыздың ерлік істері арқылы біледі. Мереке баршаңызға құтты болсын! – деп қала әкімі Миржан Сатқанов ардагерлер мен қонақтарды құттықтады.
Дәметкен САҒЫНБАЕВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу