КіруЕл ерлері марапатталды
Бүгін, мамырдың 6-сы күні «Атамекен» өнер ордасында Отан қорғаушылар күніне орай салтанатты жиын болды.
Шара басталмас бұрын әскери саланың жетістіктері мен ардагерлердің фото суреттерінен тақырыптық көрмені жиналғандар тамашалады. «Ер – ел қорғаны» атты композияциялық шағын қойылыммен шараның шымылдығы ашылды.
Облыс әкімі Нариман Төреғалиев сөз сөйлеп, айтулы мерекенің маңызын атап өтті. – Сіздерді 7 Мамыр Отан қорғаушылар күнімен шын жүректен құттықтаймын! Мемлекет басшысы Қ.К.Тоқаевтың тікелей қолдауының арқасында Қарулы Күштерінің айбары асып, айбыны асқақтай түсті. Бүгінде олар тәуелсіз елімізге тыныштық пен тұрақтылықты сақтауда өзіне жүктелген міндеттерді абыроймен атқарып, ел еңсесін көтеруге бар күш-жігерін жұмсауда. Тарихта халқымыздың абыройын асқақтатып, ел мақтанышына айналған тұлғалар аз болмаған. Туған жері мен Отанын қорғау – батыр бабаларымыздың кейінгі ұрпаққа қалдырған өшпес өсиеті, қасиетті дәстүрі. Сондықтан бүгінде сайыпқыран сарбаздарымыз ата-бабаларымыздың ерлік дәстүрін лайықты жалғастырып, әскери борыштарына, Антына адал қызмет атқаруда. Мерейлі мерекеде бар өмірін әскери қызметке арнап, өз қызметін мінсіз атқарып жүрген сарбаздарға алғысымызды білдіреміз, – деген облыс басшысы Нариман Төреғалиев әскери саладағы көптеген сарбаздар мен тәжік-ауған соғысының ардагерлерін алғыс хаттармен марапаттады.
Жиынның соңында қалалық Жастар мәдениет сарайының үрмелі аспаптар оркестрі, өнерлі әскери қызметшілер, облыстың әртістері, жасөспірім өнерпаздар ән мен биден шашу шашып, көрермендердің көңілдерін серпілтті.
Гүлжан СЕРІКҚЫЗЫ
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу