Кіру«Орал жастары» фестивалі алауын жақты
Қалада «Орал жастары» фестивалі басталды. Оған шаһардағы оқу орындардың студенттері қатысуда. Шараның ашылуына қала әкімі Миржан Сатқанов пен білім беру ұйымдарының өкілдері, студент жастар мен үкіметтік емес ұйым өкілдері де қатысты.
Тамаша ауа райы, жастардың көңілі шат. Барлығы да фестивальге көтеріңкі көңіл-күймен келген. Өйткені мұндай ауқымды шара Оралда алғаш рет өткізіліп отыр. Ауқымды фестиваль 11 аталым бойынша өрбиді. Атап айтқанда 5 спорт және 6 өнер бағытын қамтиды. Жалпы іс-шараға он мыңға тарта студент қатысуда. Шараның ашылу салтанаты да ерекше өтті. Олимпиадалық үлгіде əр оқу ордасының намысын қорғайтын жастар шеру жасап, өздерін таныстырды. Айта кету керек, фестивальге шаһардағы 22 оқу ордасы қатысуға ниет білдірген. Оның 4 ЖОО, 18 АОО.
Фестивальдің ашылу салтанатында сөз сөйлеген қала əкімі Миржан Сатқанов қатысушыларға сəттілік тілеп, фестивальді ашық деп жариялады. Байқау сәуір айының аяғына дейін жалғасады. Қалалық әкімдіктің қолдауымен Жастар ресустық орталығы ұйымдастырып жатқан фестивальдің жүлде қоры да қомақты – 2 500 000 тг. Мақсат – студент жастарды бір ортаға тоғыстыру. Шығармашылығын шыңдау, спорттық əлеуетін арттыру.
Айнара ИСА
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу