КіруСыбайластықты жою – ортақ мүдде
Сыбайлас жемқорлық, пара беру қоғамды жайлап барады. Бұл орайда, сала мамандары жең ұшынан жалғасқан дертпен күрес шараларын күшейткен. Ж.Молдағалиев атындағы облыстық әмбебап ғылыми кітапхананың «Парасат жолы» орталығында «Сыбайластықты жою – ортақ мүдде» тақырыбында кітап көрмесі ұйымдастырылды.
Көрмеге кітапхана қорында сақталған сыбайлас жемқорлықтың тарихы, оның алдын алу және күрес жолдары туралы басылымдар, күнделікті БАҚ беттеріндегі әдебиеттер мен мақалалар ұсынылған. Шараға БҚО сыбайлас жемқорлыққа қарсы іс-қимыл агенттігі, «Парасат» жолы орталығының қызметкерлері мен студенттер қатысты. «Парасат жолы» орталығы ҚР Сыбайлас жемқорлыққа қарсы іс-қимыл агенттігі мен ҚР Мәдениет және спорт министрлігінің бастамасымен «Адалдық алаңы» жобасы аясында 2021 жылы республиканың барлық кітапханаларында жұмысын бастаған болатын.
Парасаттылық алаңында сыбайлас жемқорлыққа тосқауыл қоюдың шаралары мен жолдары жиі қозғалады. «Қоғам жемқорлықтың салдары мен ашылған фактілермен таныс болуы қажет» дейді ұйымдастырушылар.
Айнара ИСА
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу