КіруБір атау екі үйге берілген
Ақпанның 8-і күні қала әкімі Миржан Сатқанов «Зенит» Мәдениет үйінде тұрғындармен кездесу өткізді. Жиында жол, су, электр энергиясы, тұрғын үй, жер мәселелері қаралды.
Есептік кездесуде Кердері №77 көшесінің тұрғыны Н.Текебаев өзі тұратын «Адал» сауда үйінің маңындағы жайрап жатқан күл-қоқыстарды жинауға рейд жүргізуді өтінді. Сол жердегі қызыл кірпішті үйдің ауласындағы қоқыс салатын жәшік, әсіресе, кешкі сағат 6-дан кейін толып қалады. Базардағы саудагерлер бақылауға алынса деді. Сондай-ақ, бұрынғы «Ақжайық» мейрамханасының орны бұзылғанын, бұл жерді де қадағалауға алуын тұрғындар атынан өтінді.
Исатай-Махамбет №82 көшесінің тұрғыны Екатерина Правдина жаңа ХҚКО қасындағы бес қабатты үйдің маңында қараусыз жер тұрғанын және оған жүк көліктерімен жан-жақтан күл-қоқыс әкеліп тастайтынын жеткізді. Сондай-ақ, Қаламқас Бисенғалиева Зашаған кентіне қарасты Мөңкеұлы, 115 көшесінде 9 және 5 қабатты үйдің екеуінде де «Мөңкеұлы №115» деген атау жазылғанын, тұрғындар жедел жәрдем көлігін шақырған кезде дәрігерлер мекенжайды шатыстырып алып, уақытында келмейтін айтты. Осы сұраққа орай қалалық архитектуралық бөлімінің меңгерушісі Мұратбек Ташенбаев жауап берді.
Қала басшысы М.Сатқанов жиында жауапты мамандарға тапсырма беріп, жеке сұрақтары бойынша азаматтарды қабылдады.
Гүлжан АЯЗБАЕВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу