КіруХайуандықтың шегі жоқ-ау?! …
Өгей қызын зорлаған әкеге үкім шықты.
Батыс Қазақстан облысының қылмыстық істер жөніндегі мамандандырылған ауданаралық соты азамат П-ны жас баланың дәрменсіз күйін пайдаланып, сексуалды сипаттағы зорлық-зомбылық жасағаны үшін кінәлі деп таныды. 2008 жылы туған өгей қызына сексуалдық сипатта зорлық-зомбылық жасаған күдіктінің кінәсі сараптама қорытындысымен дәлелденді. Прокурор айыптыға 20 жыл бас бостандығынан айыру жазасын тағайындауды сұраған. Жәбірленуші тарап прокурормен келісті.
Сотталушы және оның адвокаттары қылмыс құрамының болмауына байланысты ақтау үкімін шығаруды немесе сотталушының әрекетін ҚК 123-бабы 2-бөлігіне қайта саралауды сұрады.
ҚК 121-бабы 4-бөлігінің санкциясы 20 жылға немесе өмір бойына бас бостандығынан айыру жазасын көздейді. Қылмыстың сипаты мен қоғамға қауіп дәрежесін, тағайындалған жазаның сотталған адамның түзелуіне ықпалын ескеріп, сот күдіктіні 20 жылға соттады. Ол жазасын қылмыстық-атқару жүйесінің барынша жоғары қауіпсіз мекемесінде өтейтін болады.Сот үкімі заңды күшіне енген жоқ.
Айнара ИСА
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу