КіруОРАЛДАҒЫ ЖЕТІ МЕЙРАМХАНА ШЕКТЕУ ШАРАЛАРЫН БҰЗДЫ
Өткен демалыс күндері рейд жүргізген мониторингтік топ өкілдері жеті мейрамхананың карантиндік шектеу шараларын бұзып, саланатты іс-шара өткізгенін анықтады.
Орал қаласы бойынша мониторингтік топ мүшелері кафе-мейрамханаларға тұтынушыларды «Ashyq» қосымшасы арқылы кіргізу, бетперде кию, әлеуметтік арақашықтықты сақтау сияқты талаптардың орындалуын қарап, түсінік жұмыстарын жүргізуде. Өткен демалыс күндері жүргізілген рейдтік жұмыстар барысында шектеу шараларын бұзушылықтың 7 дерегі анықталды. «Амина»(жалға алушы Жасталап Салықов, той иесі Мұрат Әлиев), «Ата-Ана» (тойхана иесі Асылхан Купешов, той иесі Мереке Бекесов), «Қоржын» (мейрамхана иесі Шолпан Досқалиева), «Гранд Зодиак»(“Кенжеалиева” ЖК), «Арбат»(“Назгүл”ЖК, той иесі Алия Азаматова) және “Самал”(жалға алушы Темірханова А.Т, той иесі Самал Серікқалиева) мейрамханаларында салтанатты іс-шаралар оздырылып жатқаны белгілі болды. Анықталған бұзушылықтарға байланысты жеке кәсіпкерлік пен той иелеріне әкімшілік айыппұл салынды.
Бұзушылықтарға қатысты жинақталған материалдар Орал қаласының санитариялық-эпидемиологиялық бақылау басқармасына жолданды.
Еске сала кетейік, 28 маусымнан бастап Батыс Қазақстан облысының Бас мемлекеттік санитариялық дәрігерінің жаңа қаулысы күшіне енді.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу